Eru Þeistareykir í uppnámi ?

Það var merkileg niðurstaða Skipulagsstofnunar. Að tekin væri jafn afgerandi afstaða gegn virkjun jarðvarma í Bitruvirkjun er nýr tónn sem við höfum ekki þekkt. Niðurstaða stofnunarinnar byggir á að svæðið er dýrmæt með tilliti til náttúru og framtíðarútivistar.

Það er líka merkilegt að stjórn Orkuveitunnar ákveður samstundis að fara að þessari niðurstöðu og blása Bitruvirkjun af. Líklega treystu þeir sér ekki í þann slag sem virkjanaumræðan er orðin. Það hefur verið talað um vistvænar virkjanir þegar jarðvarmi er annars vegar en svo er ekki að öllu leiti eins og komið hefur fram. Minna jarðrask en meiri mengun andrúmslofts vegna útleppingar brennisteinssambanda og fleira þegar opnað er ofan í iður jarðar. Svo er lítil prýði af mannvirkjum jarðvarmavera.

Svo er það stóra spurningin. Hvað gerist við Þeistareyki þegar þar að kemur ? Margt er líkt með þessum stöðum. Þeistareykir eru svæði sem hafa mikið gildi með tilliti til ferðamennsku framtíðarinnar. Hvað mun Skipulagsstofnun segja um framtíðarstórvirkjun jarðvarma á svæðinu við Þeistareyki og nágrenni t.d. í Gjástykki. Það á eftir að koma í ljós....

Skortur á orku getur orðið vandamál

Athugasemdir

[Haraldur Bjarnason, 21.5.2008 kl. 08:09]

Það er líka eitt sem skipulagssofnun tók fram Jón Ingi. ....að þetta væri dýrmætt svæði með tilliti til náttúru og útivistar í nágrenni höfuðborgarinnar. Getur ekki verið að það hafi vegið þungt þarna. Ég minnist ekki svona afdráttarlausrar niðurstöðu í umsögnum um áhrif Kárahnjúkavirkjunar. Annars finnst mér þessi niðurstða fyrst og fremst vera okkur áminning um að fara vel með orkuna og vanda til verka þegar ákveðið er í hvað hún eigi að fara í stað þess að einblína á stóriðjuna, sem er núna nánast búin að sölsa undir sig orkuna okkar.

[Jón Ingi Cæsarsson, 21.5.2008 kl. 08:28]

rétt ábending Haraldur...vonandi er það ekki úrslitaatriðið sem breytti þessu máli.

[Bjarni Kjartansson, 21.5.2008 kl. 08:33]

Auðvitað eru allar gufuvirkjanir í uppnámi, annað væri brot á jafnræðisreglu og yrði ekki liðið af allmörgum, sem hafa ætlað að nýta orkuna af Hellisheiðinni og fl svæðum.

Einnig er ljóst, að ef sömu rök eru um mengun, brennistine og slíks, verður traula virkjað meir í jarðborunum.

Miðbæjaríhaldið

telur allar áætlanir um atvinnuuppbyggingu í vindinum bæði nyrðra og syðra.

[Halldór Halldórsson (IP-tala skráð) 21.5.2008 kl. 08:52]

Það verður hreinlega ekki liðið annað en að hætt verði við allar virkjanir í ca. 10 - 12 ár, á meðan við skilgreinum ómissandi náttúruverndarsvæði, þar sem aldrei má virkja og svo hins vegar virkjunarsvæði.  Þess verði þó gætt að sett verði í lög að umhverfisráðherra geti án fyrirvara, hvenær sem er, tekið skilgreint virkjunarsvæði og sett undir vernd fyrir túrista.  Aldrei á hinn veginn.

Þetta þýðir t.d. að álver í Helguvík og að Bakka verða aldrei að veruleika og óþörf Vaðlaheiðargöngin verða að eilífu lögð til hliðar.  Húsvíkingar geta auðvitað bara lifað fínu lífi við hvalasýningar og bílskúrsiðnað!

[Jón Ingi Cæsarsson, 21.5.2008 kl. 08:57]

Búið er að ákveða Vaðlaheiðargöng en ekki álver á Bakka.

Þessi mál tengjast ekki.

[Siggi Palli (IP-tala skráð) 21.5.2008 kl. 09:51]

Þá vitum við það.  Náttúruperlunum fjölgar hratt og því er útséð um flestar virkjanir í framtíðinni vegna þess að tilfinningarleg rök = umhverfissjónarmið verað ofan á.

En eitt er víst, það kemur til orkuskorts  hér i framtíðinni, jafnvel þó að ekki verði lagst í frekari atvinnuuppbyggingu af neinu tagi. 

Lausn á framtíðarorkuskorti eru þessar helstar:

• Við neyðumst til að reisa hér olíu-/gasknúin raforkuver og nota rándýra olíu til að kynda þau.  Raforkuverð úr slíkum orkuveru gætu hugsanlega verið 10-15 sinnum dýrari en úr vantsafls- og gufuvikjunum.
• Við gætum jafnvel þurft að reisa kolakynnt raforkuver (sem reyndar eru mjög mengandi og er mjög dýrt að eyða útblástursefnum sem yrðu síuð í burtu við brennslu kola, því gæti þurft að leggja sérstakan "grænan" skatt á orkusölu frá þessum verum sem almennir notendur þurfa að greiða).
• Miðað við tvo "ofantalda" nýja virkjunarkosti hér á landi í framtíðinni, gæti kjarnorkuver orðið þrautarlendingin fyrir til að mæta hér orkuskorti í framtíðinni.
• Þá er eftir vindorka, en þó að nóg sé af vindi hér á landi, er vindorkuver frekar óstöðug hvað orkuöflun varðar og orkuframleiðsla úr þeim frekar óstöðug.  Til að anna framtíðarorkuþörf okkar, þarf heilan skóg af vindmyllun, en er heill skógur af vindmyllun einhver umhverfisprýði??

Eru ofantaldir virkjanakostir betri en vatns- og gufuaflsvirkjanir??  Fyrst að hinir svokölluðu umhverfis- og náttúruverndarsinnar eru svona mikið á móti vatnsafls- og jarðgufuvirkjunum, verða þeir að velta því fyrir sér, hver af ofantöldum virkjunarkostum er ásættanlegur til framtíðarorkuöflunar jafnvel þó að engin stóriðja rísi hér í framtíðinni.

[Ingólfur Ásgeir Jóhannesson, 21.5.2008 kl. 12:52]

Nei, vonandi verður ekki hætt við Vaðlaheiðargöng ef hætt verður við álver á Bakka. Og þurfum við Norðaustlendingar ekki líka útivistarsvæði?

Uppbygging og aukning í ferðaþjónustu tekur lengri tíma en bygging álvers en eftir 30 ár verður hún mun umfangsmeiri atvinnuvegur en álver á Bakka, ef við miðum einungis við hraða í ferðaþjónustu sl. 30 ár.

[Sævar Helgason, 21.5.2008 kl. 14:13]

Vonandi er "fall " Bitruvirkjunar fararheill til framtíðar í orkumálum.   

Þessar virkjanaframkvæmdir okkar hafa verið í meira lagi yfirgangsamar af hálfu orkafyrirtækjanna   undan farinnáratug.

Bitru "virkjun"er þar ágætt dæmi. Það er farið í rannsóknarvinnu, hönnunarvinnu og orkusölu, svona með vilyrði.  Miklum fjármunum kostað til. Þó má ætla að þeir fjármunir nýtist að stórum hluta annar staðar.

Þarna var farið af stað löngu áður en öll tilskilin leyfi eru fullfrágengin.  Andmæli nágranna (Hvergerðinga) á tímabilinu að engu höfð. 

Ríkið mátturinn og dýrðin er okkar, hefur verið  hugarfar orkufyrirtækjanna. 

Svona vinnubrögð ganga ekki lengur.  Þau eru ávísun á stórfelld vandræði í þjóðfélaginu , eins og dæmin sanna.   Það er orðið afar brýnt að rammaáætlun gagnvart virkjanakostum ,liggi fyrir.  Hvar viljum virkja og hvar ekki. Þeir spurningu verður að svara .   

Nú verður orkan sífellt verðmætari.  Ekki er langt í að við þurfum á mikilli orku að halda til orkuframleiðslu á okkar fartæki.  Þá er gott að hagkvæmir virkjanakostir  verði fyrir hendi- að allt það hagkvæmasta sé ekki bundið til áratuga í sölu á ódýrri orku til álvera sem að auki mynda afar lítinn virðisauka hér innanlands.

Við stöndum á tímamótum í okkar orkumálum- bæði með hvað skal virkja og hver skal nýtingin vera.