Skemmdarverk.

Það er óskiljanleg þröngsýni hjá Einar K. Guðfinnssyni að heimila þessar veiðar. Þær þjóna engum vísindalegum tilgangi, neysla á hrefnukjöti er hverfandi og hrefnu hefur fækkað á hvalaslóð síðan þessar veiðar voru heimilaðar.

Mér finnst hrefnukjöt góður matur og vildi gjarnan hafa aðgang að því. En þegar mál eru skoðuð í samhengi verður að meta stöðu máls gagnvart meiri hagsmunum fyrir minni.

Í þessu samhengi eru hagsmunir þriggja veiðbáta og eigenda þeirra minni en hagsmunir hvalaskoðunarfyrirtækja sem lokka hingað til lands þúsundir ferðamanna. Auk þess er þessi ákvörðun landinu til stórfelld vansa á alþjóðamælikvarða.

Í þessu ljósi vildi ég gjarna átta mig á hvaða hagsmunum þessi óskynsamlega ákvörðun sjávarútvegsráðherra á að þjóna.

Óánægja með hrefnuveiðar

Athugasemdir

[halkatla, 20.5.2008 kl. 13:12]

heyr heyr, hverju orði sannara hjá þér og það er alltof sjaldan sem þessi mál eru rædd af einhverri skynsemi.

[Guðjón Sigþór Jensson, 20.5.2008 kl. 13:21]

Einar ráðherra er vægast sagt á mjög gráu svæði með því að verða við óskum lítls þrýstihóps.

Mosi

[Rauða Ljónið, 20.5.2008 kl. 13:52]

Sæll.

Sæll, Hver er munurinn á að veiða Hrefnur og Hreindýr.?
Hvað lengi hleypur Hreindýr eftir að það er skotið að meðaltali ?
Hvað þarf mörg skot til að fella það?
Hvað væri sagt ef Hreindýr væri sjávardýr og öslaði um allan sjó eftir að skotið var á það og skyldi eftir sig margar kílómetar blóðslóð í sjónum.

Felst munurinn ekki í því að önnur greinin er SPORT hin er í atvinnuskini, í hafinu í kring um Ísland eru um 56 þúsund, dýr 56.000 dýr.
Þetta er sá liður sem umhverfismenn og Samfylkingin vilja ekki ræða.

Það eru Hvalaskoðunarmenn og Samfylkingin sem hrópa hæðst og gefa neikvæða mynd af Íslandi út á við með þessum veiðum, EKKI  Hrefnuveiðimenn.

Kv Sigurjón Vigfússon

[Gísli Baldvinsson (IP-tala skráð) 20.5.2008 kl. 15:22]

Ljónið sér ekki kjarna málsins. Þetta hefur lítið að gera með veiðiaðferðum eða dýrategundum. Hrefnuveiðar skaða meir en "gróði" veiðinnar. Þetta kemur skýrt fram hjá JIC. Stundum sjá menn/ljón ekki trén fyrir skóginum.

[Óskar Þorkelsson, 20.5.2008 kl. 16:42]

Ég er sammála greinarhöfundi

[Víðir Benediktsson, 20.5.2008 kl. 19:47]

Hvernig á ljónið að koma auga á kjarna málsins þegar er engin kjarni í málinu?

[Jón Halldór Guðmundsson, 21.5.2008 kl. 08:34]

Ég er sammála greinarhöfundi.  (Hverju sinni).