Guantanamo Föroyar.

Ég held að flestir Íslendingar séu leiðir og sárir í garð vina okkar í Færeyjum. Mannvonskan og óþverrahátturinn á bak við þessa vistun er í anda vanþróaðra ríkja í mannréttindamálum. Auðvitað er nauðsyn á einangrun í sumum málum og í þessu tilfelli finnst flestum út í hött að vista mann í einangrun í 170 daga.

Magnús Leópodsson lýsti því í Kastljósi hvernig einangrunarvist fór með hann saklausan í Greifinnsmálinu. Svona á ekki að sjást hjá þjóðum sem telja sig siðmenntaðar.

Ég persónulega er hissa á að slík mannvonska skuli sjást í eyjunum grænu, þar sem annars ríkir fagurt og friðsælt mannlíf. Þetta minnir á hugarfarið sem býr að baki hjá Bush og kumpánum hans í mannréttindabrotum á Kúbu... þar sem tugum manna er haldið án dóms og laga.

Ég er viss um að Færeyingum langar ekkert til að vera bornir saman við þá mannvonsku.

Löng einangrunarvist Íslendings óviðunandi

Athugasemdir

[Stebbi (IP-tala skráð) 10.4.2008 kl. 13:06]

Það eru nú Danir, sem standa á bak við þessa mannvonzku. Það hefur komið fram, að færeyskir lögreglumenn hafi reynt að gera Íslendingnum lífið bærilegra. Það er eitthvað mikið að þessarri dönsku konu, sem er saksóknari í málinu.

[Gísli Baldvinsson (IP-tala skráð) 10.4.2008 kl. 16:31]

Var Brimarhólmur fluttur til Færeyja? Það virðist vera.