Ár valdabaráttu framundan.

Þrjú gefa kost á sér til borgarstjóra. Hér birtist í lítilli frétt ástæður þess m.a. hvers vegna allt er í klessu hjá Sjálfstæðisflokknum í Reykjavík. Valdabarátta, valdarbarátta og aftur valdabarátta. Oddvitinn Vilhjálmur Þ Vilhjálmsson situr áfram sem oddviti vegna þessa að milli þeirra sem starfa með honum í borgarstjórnarflokknum er hatröm valdabarátta.

Búið er að endurvekja prófkjörið frá því fyrir tveimur árum og það mun standa í heilt ár. Það verður örugglega illstarfandi í borgarstjórnarhópnum þetta ár því fólk hefur lýst því yfir að framundan séu átök um völd og frama.

Og hvað líður fyrir þessa valdabaráttu ? Stjórn borgarinnar og þar með Reykvíkingar eru settir til hliðar sem aukaatriði og hugur og orka þessa fólks mun fara í það næsta árið að leggja inn svo það geti sigrað félaga sína og samstarfsmenn í baráttu um völd. Það segir sig sjálft hvernig starf það verður.

Auk þess býr Reykjavík við pólitískt veikan borgarstjóra sem seint mun verða nokkur leiðtogi enda einagraður og rúinn trausti. Það er dapurt ár framundan við stjórn Reykjavíkurborgar.

Þrjú gefa kost á sér í borgarstjóraembættið

Athugasemdir

[Gísli Baldvinsson (IP-tala skráð) 25.2.2008 kl. 08:43]

Við erum farnir að blogga nánast samhliða kæri vin. Virkisvetur í Reykjavík.

[Páll Jóhannesson, 25.2.2008 kl. 17:02]

Af hverju í fjandanum er þetta fólk að spá í að taka við af honum ef hann hitt eða þetta? veit ekki betur en að þau segist styðja hann 100%, ef svo er standa þau þá ekki bara áfram í skugganum af honum þegar hann tekur við sem borgarstjóri? það hlýtur að vera þau styðja hann 100% ekki satt?

[Guðjón Sigþór Jensson, 26.2.2008 kl. 09:08]

Í umræðunum um þessi mál „Flokks sjálfstæðra vandræða“ minntist einn málmetandi að það væru hagsmunir „Flokksins“ að þessi vandræði leystust sem fyrst. Ýmsir hváðu: Hvað með hagsmuni Reykvíkinga? Hvað með hagsmuni þeirra sem búa á höfuðborgarsvæðinu? Hvað með hagsmuni allra Íslendinga? Eru hagsmunir „Flokksins“ hafnir yfir hagsmuni þjóðarinnar?

Mosi