Óbreytt ástand...samkomulag um ekki neitt.

Þá liggur fyrir hvað Vilhjálmur ætlar að gera. Það er að gera ekki neitt. Hann situr sem fastast og segir ekkert um hvað eigi að gerast þegar skipt verður um borgarstjórn. Auðvitað ætlar hann að nota þetta ár til að láta rykið setjast og halda svo áfram.

Og hlýðna sexmenningahjörðin heldur áfram að lýsa við hann stuðningi en fýlutotan fer ekki framhjá nokkrum manni.

Vond niðurstaða fyrir Reykjavík, vond niðurstaða fyrir Sjálfstæðisflokkinn, vond niðurstaða fyrir aðra borgarstjórnarfulltrúa flokksins.

Óskoðaður stuðningur við mann sem hefur klúðrað flestu segir meira en nokkur orð, enda hef ég sagt allan tímann að þetta yrði niðurstaða Sjálfstæðisflokksins enda ekki til siðs að láta menn axla ábyrgð á þessum bænum.

Ákvörðun síðar um borgarstjóra

Athugasemdir

[corvus corax, 24.2.2008 kl. 13:43]

Það er rétt, það er ekki til siðs hjá sjálfgræðgisflokknum að láta menn axla ábyrgð sama hversu hrikalegt klúðrið er og ósvífnar aðgerðirnar eru til að þóknast litla einræðisherranum, fjölskyldu hans og vinum. Til dæmis situr dýralæknisfíflið sem fastast og lemur hausnum við steininn í heimsku sinni, allt fyrir litla einræðisherrann. Og til dæmis var fullt af fólki ginnt til að sækja um embætti umboðsmanns barna á sínum tíma þegar litli einræðisherrann var búinn að tilskipa að hygla ætti eiginkonu flokksbróður og fjandvinar. Alltaf klúðra, aldrei bera ábyrgð. Skrattinn sér um sína og það gerir litli einræðisherrann líka. Og á meðan klórast fylgið af klofnum sjálfgræðgisflokknum ...sem betur fer!