Mikill snillingur.

Enn á ný skapar Ástþór Magnússon forsetaframbjóðandi, friðarpostuli og fyrrverandi bissnessmaður umræðu í þjóðfélaginu. Öllum er ljóst að þarna er mikill hæfileikamaður á ferð sem ekki hefur notið velgengni sem skyldi. Honum er ofarlega í huga friður í heiminum og vill gjarnan verða forseti Íslands til að koma þessu áhugamáli sínu betur á framfæri.

Einhvernvegin hefur þjóðin ekki alveg náð því hvern hæfileikamann Ástþór hefur að geyma og því hefur hann gjarnan orðið umræðuefni ýmissa eins og kannski sannaðist hjá þessari ágætu Þórunni sem tjáði sig lítilega um framgang Ástþórs síðast þegar hann bauð sig fram. Nú ætlar Ástþór að láta hana finna til tevatnsins enda sárreiður yfir þessum yfirlýsingum fyrrverandi formanns kjörstjórnar í Reykjavík norður.

Ég man ekki hvað Ástþór fékk síðast...kannski 3% og það sýnir kannski best hvað maðurinn er misskilinn. Auðvitað á tómatsósuatriðið að sýna okkur hverju við erum að missa af að hafa hann sem fulltrúa okkar íslendinga.

Auðvitað býður maðurinn sig fram og þetta nýjasta atriði sýnir okkur svo ekki verður um villst að án Ástþórs væri þjóðin fátækari. Forsetakosningar eru í júní og þá ættum við að sjá tvísýnar kosningar án Þórunnar sem yfirkjörstjórnarformanns, því það hefur greinilega verið henni að kenna að ekki gekk betur síðast. Skýringin loks fundinn enda skildi enginn maður í þessum 3% sem Ástþór náði.

Ég er  fullviss um að þegar Ástþór hefur sigrað forsetakosningarnar 2008 verður hann fullsæmdur fulltrúi þjóðarinnar í innanverðu Tibúktú eða á Bjarnaey......áfram Ástþór !!

 

Ástþór kærir Þórunni

Athugasemdir

[Páll Jóhannesson, 15.1.2008 kl. 11:13]

Ekki vil ég taka svo djúpt í árina og segja að maðurinn sé geðveikur, en kemur samt sterklega til greina. Ef maðurinn hefði raunverulegan áhuga á friði, þá held ég að hann ætti að snúa sér að því að breiða út boðskapinn. Tók einhver eftir friðarboðskap í tengslum við forsetaframboðum hans?  ekki ég, ekki þið, enginn.

Ástþór er því miður dæmi um mann sem veit ekki í hvorn fótinn hann á að stíga og það sem er enn gremjulegra er að það getur enginn sagt honum það, þess vegna snýst hann í eilífa hringi. 

[Kjartan Pálmarsson, 15.1.2008 kl. 11:27]

Ekki tel ég líklegt að hugsunin hjá Jóni Inga sé að afla sér tekna með umfjöllun sinni um Ástþór Magnússon, en eitt er víst að um talaður xforsetaframbjóðandi þarf á miklum sálar frið að halda.

[Jón Ingi Cæsarsson, 15.1.2008 kl. 11:47]

Einar....ekki datt mér það í hug enda er ég ekki að afla mér tekna sérstaklega  eða reyna það

[Jón Halldór Guðmundsson, 15.1.2008 kl. 23:26]

Auðvitað er Ástþóri full alvara. Hann telur sig geta komið á friði í heiminum ef hann verður forseti.

Spurningin er bara hvort nægilega margir íslendingar hafi trú á honum.

Og takk fyrir fínan pistil Jón.