Algjört bann betra og fljótvirkara.

Gott innlegg hjá umhverfisráðherra að grípa inn í rjúpnavandamálið. Það er ljóst að álag er allt of mikið á þennan stofn og ég held að það sé fleira en veiði sem spilar inn í þann þátt. Umhverfið er orðið rjúpunni erfiðara og fáir staðir eftir þar sem hún hefur frið og griðland fyrir varp og uppeldi unga. Þegar þetta bætist síðan við breytt veðurfar sem ég held að sé rjúpunni erfitt, meiri umhleypingar og votviðri að vetrum þá er þetta einfaldlega og mikið álag.

Vetur núorðið eru snjólausir löngum, meira að segja á hálendinu en rjúpan byggir sína vetrarafkomu mikið á að hafa snjóinn sem skjól. Þetta vita þeir sem stundað hafa rjúpnaveiðar einhversstaðar á lífsleiðinni eins og td ég sjálfur. Þess í stað höfum við stormasama, blauta og snjólausa vetur á stórum svæðum landsins og það er mín leikmannskenning að það hafi mikil áhrif. Ég hef samt hvergi séð fjallað um slíkt en vel má vera að það hafi farið framhjá mér.

Ég hefði lagt til að veiðar yrðu alveg bannaðar. Við verðum að láta stofnin njóta vafans og skera alveg niður og fikra okkur síðan upp þegar staðan er ljósari. Það er alfarsælla en fikra sig niður á við og missa alltaf meira og meira af stofnstærðinni.

Áfram sölubann á rjúpum og rjúpnaafurðum

Athugasemdir

[Vilmundur Árnason (IP-tala skráð) 12.9.2007 kl. 17:57]

Nú er bloggheimurinn að missa vitið og ég er reyndar einn af þeim sem ekki geta haldið kjafti þegar kemur að alfriðun á rjúpu. Ég er steinhissa á þér manni sem hefur skotið rjúpu að halda þessu fram.

Vandinn er mun flóknari en ofveiði. Vandinn felst í því að það vantar að auka greiðslur fyrir refa og minkaskott. Minkurinnn er innbrotsþjófur í Íslenska náttúru og honum þyrfti að útrýma en vegna þess að það er vonlaust stríð þá er lágmark að halda aftur af fjölgun hans. Minkurinn drepur mun meira en hann þarf og er þvílíkur skaðvaldur. Þetta er sama ruglið og skerðing þorskkvótans, vandinn er sá sami menn hafa ekki pung í að ráðast á rót vandans og viðurkenna hversu mikið hvalurinn er að éta frá okkur. 

Kv. Vilmundur. 

[Jón Ingi Cæsarsson, 12.9.2007 kl. 20:39]

Vilmundur...þú hefur ekki lesið það sem ég skrifa greinilega  

" ég held að það sé fleira en veiði sem spilar inn í þann þátt. Umhverfið er orðið rjúpunni erfiðara og fáir staðir eftir þar sem hún hefur frið og griðland fyrir varp og uppeldi unga."

Þetta skrifaði ég hér að ofan. Þarna á ég við áreiti sem rjúpan verður fyrir sem truflar og skemmir. M.a. má nefna minkinn. Þegar við þetta bætist síðan veiði og erfiðara veðurlag..þolir stofnin þetta ekki. Það eina sem við ráðum við er að banna veiði...við ráðum ekki við veður og seint munum við ráða við annað...í það minnsta ekki í hvelli. Þess vegna eigum við að friða....til að bjarga stofninum

[Óskar Þorkelsson, 12.9.2007 kl. 21:53]

Tek undir með þér Jón.. ég vil friða Rjúpuna í að minnsta kosti 5 ár.  Það er sá tími sem tekur kynslóðir hennar til að endurnýja sig frá grunni.

[Hans Jörgen Hansen, 12.9.2007 kl. 22:06]

með tilkomu friðunar fjölgaði þessum vádýrum eins og mink og ref. Og spilar þess vegna mikið inn í. Með því að friða rjúpuna aukum við magn ætis fyrir þessi vádýr og þeim heldur áfram að fjölga. Bendi á reykjarnesskaga sem hefur verið friðaður í fimm ár er sama hlutfall rjúpna og annarstaðar á landinu. En á móti er ótrúlegt magn refs og minks þar.

[Hans Jörgen Hansen, 12.9.2007 kl. 22:07]

með tilkomu friðunar fjölgaði þessum vádýrum eins og mink og ref. Og spilar þess vegna mikið inn í. Með því að friða rjúpuna aukum við magn ætis fyrir þessi vádýr og þeim heldur áfram að fjölga. Bendi á Reykjarnesskaga sem hefur verið friðaður í fimm ár er sama hlutfall rjúpna og annarstaðar á landinu. En á móti er ótrúlegt magn refs og minks þar.

[Jón Ingi Cæsarsson, 12.9.2007 kl. 23:15]

hm...þú ert sem sagt að leggja til að eyða stofninum til að svelta mink og ref í hel ??

[Óskar Þorkelsson, 12.9.2007 kl. 23:22]

góður

[Hans Jörgen Hansen, 13.9.2007 kl. 08:51]

hvernig sem þú færð það út úr skifum mínum skil ég ekki. !!
Það sem ég er að benda á er að með því að friða aukum við æti fyrir ref og mink sem fá nánast að leika lausum hala því nánast engin vilji er til að fækka þeim. Það þarf að skera herátak í fækkun refsins og minksins þar sem svo gríðarleg aukning er á þeim eftir fyrra friðunartímabilið. Rjúpunni á eftir að halda áfram að fækka þangað til að stofn hennar getur ekki haldið uppi refastofninum. Þessar náttúrulegu sveiflur er eðlilegar og vel þekktar úr náttúrunni. En þegar friðunninn átti sér stað varð skyndilega aukið æti í náttúrunni þar sem einhverjar tugi þúsunda rjúpna sem venjulega voru skotnar urðu eftir í náttúrunni fyrir refin sem þýddi það að sá fjöldi refa sem venjulega hefðu fallið frá gerði það ekki og komu þess vegna upp yrðlingum vorið eftir. Þetta er ekkert erfitt reikningsdæmi, margföldunaráhrifin sem þetta hefur í för með sér ef skyndilega er ruglað í einum fæðuflokki. Þess vegna hefði þurft og þarf enn mótvægisafl og það er jú fækkun refsins í kjólfar minnkandi veiða. Og að sjálfsögðu samstöðu innan veiðimann um skynsamlegar veiðar.