Vinnubrögð Halldórs Ásgrímssonar

Brottrekstur fréttamanns af Stöð 2 er auðvitað rökrétt afleiðing þess að ráða flokkshest til starfa sem fréttastjóra. Steingrímur þessi er kominn úr Framsóknarflokknum þar sem þessi vinnubrögð hafa viðgengist lengi. Halldór Ásgrímsson var búinn að flæma í burtu alla þá sem ekki voru viðhlægendur hans og þetta er auðvitað nákvæmlega það sama.

Steingrímur þessi er aðeins að vinna eins og hann kann og líklega telur hann að besta fréttastofan verði ef allir þar eru vinir hans og viðhlægendur. Framsóknarflokkurinn var drepinn með þessu vinnulagi og líklega fer fréttastofa Stöðvar 2 sömu leið.

Það var komið í hálmæli að styttast færi í að stöðin gæfist upp við að halda úti fréttastofu. Hvort það er rétt á eftir að koma í ljós. Ef þetta framsóknarvinnulag er eitthvað sem Steingrímur ætlar að viðhafa verður ekki langt þangað til eigendur stöðvarinnar taka til sinna ráða og reka manninn. Fréttastofa sem vill vera trúverðug lætur slíkt ekki henda að fréttamenn séu reknir vegna skoðana sinna.

Steingrímur: Ekki pólitísk ástæða fyrir uppsögn Þóru Kristínar

Athugasemdir

[Ólafur Sveinn Haraldsson (IP-tala skráð) 31.8.2007 kl. 21:41]

Sæll

Hvernig í ósköpunum getur þú fullyrt svona? Nú er ég aldeilis hissa.

Alla vega mbk.