Framsókn farin.

Þetta er afar góð niðurstaða og umhverfisráðherranum til mikils sóma. Ég hef lengi verið hissa á því að menn létu sér detta í hug að fara yfir þetta svæði með þeim hætti sem til stóð. Auðvitað bjóst maður við því að umhverfisráðherra Framsóknarflokks, Jónína Bjartmars hefði skrifað upp á þetta gæti gengið eftir. Það voru vinnubrögð Framsóknarflokksins í umhverfismálum, því miður.

Þrátt fyrir að Umhverfisstofnun og Skipulagsstofnun lögðust gegn þessum framkvæmdum um Grunnafjörð sem er friðlýst svæði þá óttaðist maður Framsóknarflokkinn. En nú er hann horfinn úr sæti umhverfisráðherra og menn geta andað léttara. Umhverfisráðherra Samfylkingarinnar mun alltaf láta náttúruna njóta vafans og vonandi eru nýjir tímar framundan í þessu málaflokki.

 

Umhverfisráðherra hafnar veglagningu um Grunnafjörð

Athugasemdir

[Guðrún Jóna Gunnarsdóttir, 21.8.2007 kl. 23:14]

Heill og sæll frændi, ég hef verið leitt í sannleika um skyldleika okkar og fagna því að "finna þig"

Ég er ekki viss um að Jónína hefði skrifað upp á veglagningu um Grunnafjörð, þó framsóknarmenn hafi vissulega skapað efasemdir og tortryggni.  Það er nú svo einkennilegt að enginn flokkur er jafn lífseigur og Framsóknarflokkurinn. Mér segir svo hugur að hann verði kominn í ríkisstjórn fyrr en varir.

Fagna hins vegar þessari ákvörðun umhverfisráðherra.

[Óskar Þorkelsson, 22.8.2007 kl. 00:06]

Össur er snillingur !

[Páll Jóhannesson, 23.8.2007 kl. 13:05]

,,Framsóknarflokkurinn farin" og kemur vonandi ekki aftur í bráð, bara svona með hagsmuni þjóðarinnar í huga.