Spurning um mismunun.

Ekki ætla ég að hafa neitt á móti því að þeir sem vilja geti nýtt sér hugmyndafræði Hjallastefnunnar. Ég er ekki sannfærður um ágæti hennar enda trúi ég ekki á aðskilnað, hvorki kynja, kynþátta, ríkra eða fátækra. En ef þetta er rétt sem hér segir í fréttinni.

"

Í þeim samningi sem nú liggur fyrir er heimilað að Hjallastefnan rukki allt að 15% hærra gjald á Laufásborg en á öðrum leikskólum Reykjavíkurborgar. Það telja fulltrúar Samfylkingarinnar og Vinstri grænna ekki boðlegt. Aðgengi að leikskóla á að okkar mati ekki að vera háð efnahag. Í það minnsta er ekki eðlilegt að borgaryfirvöld stuðli að því að fjölga slíkum plássum eins og hér er lagt til.

Þó börn sem nú eru skráð í leikskólann muni búa við óbreytt gjöld er fyrirsjáanlegt að börn, jafnvel á sama aldri, verði látin greiða mishátt gjald fyrir sömu þjónustu í leikskólanum næstu árin eftir því hvort leikskóladvöl þeirra hófst fyrir eða eftir upphaf tilraunaverkefnisins, en það telja fulltrúar Samfylkingarinnar og Vinstri grænna óviðunandi og stangast á við jafnræðisreglu," að því er segir í bókun Samfylkingar og VG. "

 Tilvitnun lokið.  Ég er eiginlega varla að trúa því að einhverri stefnu sé heimilað að rukka foreldra um hærra gjald en á almennum leikskólum. Ef svo er, er ég sammála bókun Oddnýjar og Svandísar.

Það á alls ekki að heimila það að einum leikskóla sé leyft að rukka hærra gjald. Það stuðlar að óréttlæti í þjóðfélaginu og mismunar ríkum og þeim sem minna mega sín. Ég er eiginlega hissa á að höfundi Hjallastefnunnar líki þessu hugmyndafræði hvað varðar fjárhagslega mismunun vegna barna. Þetta hljóta vera mistök eða misskilningur.

 

Greiddu atkvæði gegn samningi við Hjallastefnuna um Laufásborg