Ótrúlegt

Þetta er ótrúlegt að horfa upp á. Þetta skip er gamall handónýtur ryðdallur sem aldrei átti að kaupa. Ég er eiginlega steinhissa á ráðamönnum Vegagerðar að láta sér detta í hug slíkt ráðslag. Mín skoðun er sú að þó svo menn neyðist til að klára þetta verkefni, sem þegar er búið að setja í 400 millur og mikið eftir enn, verði að rannsaka málið.

Það er ekki eðlilegt að mönnum leyfist að gera slík ofurmistök án þess að rannsaka aðdraganda og ákvarðanatöku ofan í kjölinn. Hér á Íslandi er allt of algengt að menn ypti bara öxlum og láti hvað sem er ganga yfir sig. Grímseyingar vildu ekki þessa ferju og vöruðu við þessu kaupum með rökum sem bar að taka mark á. Það var ekki gert og þjóðinn á heimtingu á að vita hvers vegna einhverjir ákváðu þessa órtúlegu vitleysu og gerðu þessi mistök. Það er ekki grín að eyða hálfum milljarði í tóma dellu.

Ráðherra: Hörmungarsaga sem kemur til með að kosta 400 milljónir