Galnar hugmyndir í boði Vinstri grænna.

Andrés Ingi Jóns­son, þingmaður Vinstri grænna, tel­ur að kjötskatt­ur gæti verið rök­rétt skref, bæði til þess að bregðast við áhrif­um kjöt­neyslu á heilsu­far og sem liður í aðgerðum gegn lofts­lags­breyt­ing­um. Þetta sagði þingmaður­inn á Face­book-síðu sinni á föstu­dag, en nán­ar var rætt við hann í kvöld­frétt­um Stöðvar 2 í kvöld.

Eins og sumir vita þá eru flestir kjarasamningar í landinu lausir og viðræður ganga hægt eða ekkert. Framundan eru síðan tugir samninga lausir í mars.

Hvað aðhefst ríkisstjórnin til aðstoðar þess að leysa kjaradeilurnar ?

Nákvæmlega ekkert.

Þessi stað dynja ýmsar skattahugmyndir á landsmönnum þessa dagana.

Framsóknarsamgönguráðherrann boðar miklar álögur á vegfarendur á völdum svæðum, skattur sem mun leggjast þungt á þá sem lægstar hafa tekjurnar. Ljóst að ef þessar hugmyndir ná fram að ganga þá fara allar þær launahækkanir sem SA hefur tilkynnt að séu boði farnar í það skattabál og vel það.

Í kvöld hvað svo við vein úr herbúðum VG þaðan sem ekkert hljóð hefur borist lengi enda virðast þingmenn þess flokks falla eins og flís að rassi fjármálaráðherrans.

Nýr skattur í þágu loftlagsmála.

Kjötskattur, skatti sem er ætlað að draga úr neyslu á kjöti með því lagi að gera það dýrara þannig að sumir hafi ekki efni á kaupa og fara að borða annað, væntanlega rófur og blómkál.

Að svona skattahugmynd komi úr ranni VG er hreinlega galið. Forsjárhyggjan kemur kannski ekki á óvart en að enn sé verið að boða skattahækkanir sem leggjast með mestum þunga á heimilin og þá sem minnst hafa.

Kannski finnst þingmanninum í lagi að fátækt fólk geti ekki veitt sér sama munað og þeir sem meira hafa þá á hann að segja það beint út. Ekki fela það í óljósri hugmynd um innlegg í loftlagsmál.

En sannarlega er þetta það vitlausasta sem ég hef heyrt á þessu ári enda ekki nema 6. janúar.

Meðan þingmenn stjórnarinnar keppast við að lýsa nýjum álögum á landsmenn brosa útgerðarmenn hringinn eftir fjögurra milljarða gjöf valdhafanna í formi lækkunnar veiðigjalda.

Viss um að einhverjum stjórnarþingmanninum dettur eitthvað gáfulegt í hug til að toppa þessa vitleysu sem Andrés Ingi Jónsson ræddi í fréttum í kvöld.

 

 

Viðrar hugmynd um kjötskatta

Athugasemdir

[Halldór Egill Guðnason, 7.1.2019 kl. 01:00]

 Við erum nánast aldrei sammála um nokkurn skapaðan hlur Jón, en get tekið undir allt sem þú segir að þessu sinni. Hvað næst? Skyrskattur, mjólkurskattur og þar fram eftir götunum? Af hverju ekki hreinlega skjóta bara alla bændur og hvetja fólk til að borða gras?

 Þetta lið lifir í einhverju öðru sólkerfi. Sama hvaða fjandans flokki það tilheyrir.

 Góðar stundir, með áramótakveðju að sunnan.

[Halldór (IP-tala skráð) 7.1.2019 kl. 08:18]

Tek undir með seinasta ræðumanni og nafna mínum, það er sjaldan sem ég er sammála þér Jón, en þarna hittirðu sko naglann á höfuðið all rækilega.

[Þorsteinn Siglaugsson, 7.1.2019 kl. 09:30]

Fátæku fólki er auðvitað ekki hollt að graðga í sig steikum. Það verður latt og frekt af þeim og fer í kjaraviðræður 

[Sigurður Kristján Hjaltested, 8.1.2019 kl. 23:19]

Tek undir með Halldórunum. Þarna hittir þú Jón alvörlega í mark. Með nýárskveðju.