Gamla ljónið orðið tannlaust.

Steingrímur J. Sigfússon segir VG ekki skorast undan ábyrgð þrátt fyrir að áherslur VG og Sjálfstæðisflokksins séu fjarlægar.

( viðskipablaðið 2016 )

______________

Steingrímur var löngu farinn að horfa til Sjálfstæðisflokksins með samstarf. Þessi grein birtist í Viðskiptablaðinu fyrir einu ári þegar Sjálfstæðisflokkurinn var að munstra Bjarta og Viðreisn á Valhallarbátinn.

Steingrímur sat þar hjá og horfði vonaraugum til Bjarna. Það gekk svo eftir núna, Bjarni stökk á Grím og landaði honum. Kostaði aðeins meira en síðast en hvaða máli skiptir það þegar maður ræður hvort sem er öllu.

Gamli sósialistinn hefur nú verið bundinn við bryggju í forsetastól Alþingis, fær væntalega málverk af sér og væntalega verður hann ekki í framboði næst.

Þetta segja kunnugir að hafi verið draumur gamla baráttumannsins, fá fallegt og þægilegt sæti í ellinni og vera alltaf í mynd á Alþingisvefnum.

Það er sannarlega búið að draga allar vígtennur úr gamla ljóninu, það hefur fengið mjúkt og þægilegt sæti í horninu hjá Sjálfstæðisflokkunm, öróttur og móður eftir áratuga baráttu við íhaldsöflin.

If you can"t beat them, join them. 

Athugasemdir

[Hrossabrestur, 17.12.2017 kl. 14:42]

Alveg eiga Vinstri Græn risa-stórt hrós skilið að hafa sagt Samfylkingunni að fara fjandans til.

[Jóhannes Laxdal Baldvinsson, 17.12.2017 kl. 16:50]

Á Steingrímur skilið svona eftirmæli Jón?  Fyrir hvað stóð Steingrímur J. sem stjórnmálamaður? Margir myndu eflaust svara þeirri spurningu vitlaust. Rétta svarið er nefnilega að Steingrímur hefði átt að vera kyrr í Framsóknarflokknum. Þrátt fyrir alla lærðu frasana og sýndarróttæknina þá brást hann aldrei ungmennahugsjón 20.aldar framsóknarmanna þegar á reyndi. Baráttan snérist bara um hann sjálfan og sviðsljósið. Eitt orð dugir til að lýsa Steingrími.  Einfari.