Tilboð ársins - ókeypis forseti.

Þá liggur það fyrir.

Þjóðin getur valið sér forseta sem kostar ekki neitt.

Vill selja Bessastaði og vinna frítt.

Enda hefur hann það rífleg eftirlaun sem borgarstjóri, forsætisráðherra, utanríkisráðherra, seðlabankastjóri og ritstjóri.

Þetta er það fjandi mikið að hann þarf ekki meira.

Á vinnumarkaði heitir þetta sennilega ólöglegt undirboð.

Svona undirboðsvindl eins og þekkist hjá óprúttnum starfsmannaleigum.

Tilboð sem þjóðin getur ekki látið framhjá sér fara.

Ókeypis forseta í stólinn strax.

 

Kosningabaráttan rétt að byrja

Athugasemdir

[Kolbrún Hilmars, 16.5.2016 kl. 18:23]

Þetta er óneitanlega freistandi tilboð, Jón Ingi.  Landinn hefur sýnt að hann er veikur fyrir öllu sem er annaðhvort með afslætti eða ókeypis. Í þessu tilviki þurfa menn þó ekki að hafa með sér svefnpoka og nesti.  Bara mæta á kjörstað á boðlegum tíma.  :)

[Jóhann Kristinsson, 16.5.2016 kl. 19:30]

Já er þetta ekki flott, ókeypis forseta. Sparast 600 milljónir næstu 5 kjörtímabilinu.

Nú þurfa kjósendur ekki að íhuga að kjósa Guðna Th. enda segist hann ættla ekki að gera neitt í forsetaembættinu.

Sannir islendingar kjósa ekki Guðna Th. ESB og opin landamæri frambjóðendann, sem lítur niður á meirihluta kjósenda og kallar þá ómentað þjóðarrembings sjómenn og verkamannalýð.

Kveðja frá Houston

[B.N. (IP-tala skráð) 16.5.2016 kl. 21:41]

Ekkert er ókeypis. Engin forseti getur neitað að taka við laununum sínum það er lögbrot. Forsetinn getur eftir að hann hefur tekið við laununum sínum gefið þau t.d. mér eða þér sem annað dæmi.

Ef Davíð vill ráðstafa þessum fjármunum sem laun forsetans vissulega eru ætti hann að ráðstafa þeim strax til góðgerðamála með fyrirvara að sjálfsögðu að hann verði kosinn forseti Íslands ef það er þá löglegt.

Hér fyrir neðan eru lög sem ég var að finna á netinu. 

Baldvin Nielsen 

,,Lög um laun forseta Íslands.

1. gr.

     Launakjör forseta Íslands skulu ákveðin af Kjaradómi.

2. gr.

     Forseti hefur ókeypis bústað, ljós og hita og er undanþeginn öllum opinberum gjöldum og sköttum.
     Undanþága skv. 1. mgr. nær þó ekki til eftirlauna.

3. gr.

     Allan útlagðan kostnað forseta vegna rekstrar embættisins ber að greiða sérstaklega úr ríkissjóði.

4. gr.

     Sá sem kjörinn hefur verið til og gegnt hefur embætti forseta Íslands á rétt til launa skv. 1. gr. í fyrstu sex mánuði eftir að látið er af embætti. Taki fyrrverandi forseti stöðu í þjónustu ríkisins fellur þessi launagreiðsla niður ef stöðunni fylgja jafnhá eða hærri laun, ella greiðist launamismunurinn til loka sex mánaða tímans.

5. gr.

     Fyrrverandi forseti Íslands á rétt á eftirlaunum að liðnum þeim sex mánuðum sem hann nýtur launa skv. 4. gr.
     Eftirlaunin skulu nema 60 hundraðshlutum af launum forseta Íslands eins og þau eru ákveðin af Kjaradómi hverju sinni. Ef forseti hefur gegnt embættinu meira en eitt kjörtímabil skulu eftirlaunin vera 70 hundraðshlutar launa forseta Íslands og 80 hundraðshlutar hafi forseti gegnt embættinu lengur en tvö kjörtímabil.
     Taki fyrrverandi forseti stöðu í þjónustu ríkisins fellur eftirlaunagreiðsla niður ef stöðunni fylgja jafnhá eða hærri laun, ella greiðist launamismunur.

6. gr.

     Nú andast forseti eða fyrrverandi forseti, er laun tekur eða eftirlauna hefur notið, og skal þá greiða eftirlifandi maka laun út sex mánaða tímann skv. 4. gr. og að þeim tíma liðnum 60 hundraðshluta þeirra eftirlauna sem hinn látni hefði átt rétt á.
     Taki maki fyrrverandi forseta stöðu í þjónustu ríkisins fellur niður launa- og eftirlaunagreiðsla skv. 1. mgr. ef stöðunni fylgja jafnhá eða hærri laun, ella greiðist launamismunur.

7. gr.

     Handhafar forsetavalds skv. 8. gr. stjórnarskrárinnar skulu samanlagt njóta jafnra launa og laun forseta eru þann tíma sem þeir hverju sinni fara með forsetavald um stundarsakir. Skulu launin skiptast að jöfnu milli þeirra.
     Handhafar forsetavalds skulu fá greiddan útlagðan kostnað vegna starfans.

8. gr.

     Með lögum þessum falla úr gildi lög nr. 3 frá 6. mars 1964, um laun forseta Íslands, og lög nr. 26 frá 2. maí 1969, um eftirlaun forseta Íslands.

9. gr.

     Lög þessi öðlast þegar gildi.

Samþykkt á Alþingi 23. febrúar 1990.''

 

 

 

                                                                                                                              

[Jónas Ómar Snorrason, 17.5.2016 kl. 00:11]

Erum við að tala um tilboð sem er ekki hægt að hafna? Best deal ever? Held ekki!

[Bergur Isleifsson (IP-tala skráð) 17.5.2016 kl. 06:20]

Davíð hefur lýst því yfir að hann muni ekki þiggja nein laun fyrir starfið enda hafi hann hvorki sérstakan áhuga né metnað til að taka það að sér. Ég veit ekki um neinn atvinnurekanda sem myndi ráða slíkan starfskraft í vinnu.