Þetta er flopp.

Mikið er maður sorgmæddur þegar maður sér stórar hugsjónir og trú snúast upp í harmleik. Íslandshreyfingin mætir til leiks með stórar hugsjónir og mikilvægt málefni. Umhverfismál eru mál framtíðar og verðugt verkefni fólks í stjórnmálum. Mín tilfinning var samt allan tímannað þetta mundi ekki ganga upp því þetta málefni eitt og sér hefur takmarkaða skirskotun á Íslandi í dag, því miður.´

Mér er hulið hvaða fólk þetta er sem birtist á lista framboðsins í NA kjördæmi. Örugglega er þetta fólk með hugsjónir og væntingar í umhverfismálum en því miður mun þetta framboð ekki þjóna þeim málstað á nokkurn hátt. Sennilega mun það verða þess valdandi að ríkisstjórnarflokkarnir fá færi á að halda meirihluta sínum á Alþingi og gætu myndað enn eina afturhaldóhugnaðarstjórn misskiptingar og fyrirgreiðslu. Það væri hræðileg niðurstaða fyrri þá sem trúðu því í einlægni að þeir væru að vinna málstaðnum gagn.

Hörður Ingólfsson í fyrsta sæti Íslandshreyfingarinnar í NA-kjördæmi

Athugasemdir

[Páll Jóhannesson, 23.4.2007 kl. 19:26]

Jú vissulega er þetta skrítið - ég þekki eitt einasta nafn af þessum sem eru í efstu sætunum.

[Guðjón Sigþór Jensson, 24.4.2007 kl. 12:02]

Einhvern veginn finnst mér að Ómar og félagar hefðu átt að hugsa betur út í þetta ævintýri. Fremur slæm reynsla er að framboðum sem verða í kringum eitt einasta mál. Skiptir engu hvort svo sé hérlendis eða annars staðar. þó svo Ómar kæmist á þing og tæki kannski einn með sér í besta falli tvo, hvaða áhrif skyldu þeir hafa í þinginu? Í starfhæfum meirihluta einungis 3% og áhrifin eru þverrandi í minnihluta.

Kanski var verr af stað farið en heima setið. Eða var þetta útspil ákveðið í Valhöll?

Mosi