Ráðherrahópurinn við Austurvöll.

 Útgefendur og rithöfundar eru æfir vegna fyrirhugaðrar hækkunar virðisaukaskatts á bækur og hafa að undanförnu birst þungorðar greinar bókafólks sem beinast að stjórnvöldum. Illugi Gunnarsson menntamálaráðherra hefur hunsað útgefendur sem ítrekað hafa kallað eftir fundi með honum en nýverið kom þó útspil frá Illuga þar sem hann kynnir hugmyndir um mótvægisaðgerðir; þá að undanskilja ákveðnar tegundir bóka virðisaukaskatti. Útgefendur reka upp stór augu, þeirra á meðal fræðibókaútgefandinn Kristján B. Jónasson:

( visir.is ) 

 

Kunningi minn, mikill áhugamaður um stjórnmál dró fram sterka mynd að stöðu mála í ríkisstjórn Íslands fyrir nokkru.

Það kom upp í hugann þegar fréttin um Illuga Gunnarsson birtist á visir.is. sem er hér efst.

Allir ráðherrar þessar ríkisstjórnar eru í tómi tjóni og vantraust á þeim hefur slegið öll met þegar skoðaðar eru mælingar á trausti ráðherra.

Forsætisráðherra - Verklítill, pirraður og skortir alla hæfileika til verkstjórnar.

Fjármálaráðherra - Ónýtt fjárlagafrumvarp sem meira að segja samstarfsflokkurinn gerir við fyrirvara.

Sjávarútvegsráðherra - Pirraður, ómálefnalegur, óskipulagður og staðinn að ósannindum.

Heilbrigðisráðherra - Ræður ekki við erfið mál sbr. Landspítali, heilsugæsla, sjúkraflutningar.

Innanríkisráðherra fyrrum dómsmálaráðherra - Þarf nokkuð að fara yfir það ?

Iðnaðarráðherra - Verklítill, innantómur talandi, einsmáls ráðherra.

Félagsmálaráðherra - Hefur sloppið best frá sínu án þess þó að hafa landað nokkru máli.

Menntamálaráðherra - Búinn að egna gegn sér flestar stéttir sbr innskot hér að ofan frá visir.is.

Utanríkisráðherra - Fullkomlega ófær um að gegna þessu embætti, eins og stutt saga hans sýnir glöggt. ESB og margt fleira sem þarf ekki að rifja upp.

Það á ekki að vera á eina þjóð lagt að sitja uppi með svona ósköp í fjögur ár, of þung refsing fyrir andartaks hugsunarleysi í kosningum.

Nú er bara að þreyja þorrann og vona að tjónið verði í lágmarki miðað við aðstæður.

Kannski er þetta of djúpt í árina tekið, en svona líður ótrúlega mörgum landsmönnum síðustu mánuði.