Skemmdaverkamaðurinn í Heilbrigðisráðuneytinu.

Kristján Þór Júlíusson heilbrigðisráðherra hefur tilkynnt að ríkið muni taka yfir reksturinn, með sameiningu heilbrigðisstofnana á Norðurlandi. Í bókum bæjarráðs í morgun segir að reksturinn eigi best heima hjá sveitarfélaginu, sem hluti af nærþjónustu við íbú og sé í samræmi við stefnumörkun Sambands íslenskar sveitarfélaga um aukin verkefni til sveitarfélaga.

____________

Nú hefur ráðherra heilbrigðismála Kristján Þór Júlíusson, fyrrum bæjarstjóri á Akureyri ákveðið að leggja af valddreifingu og lýðræðislegri skipan mála.

Hann færir klukkuna aftur um 17 ár og setur rekstur Heilsugæslunnar á Akureyri í hendur ráðuneytis á ný.

Það sýnir hugarfar þessa ráðherra ( áður bæjarstjóra ) að miðstýring er honum að skapi og í stað þess að halda áfram þeirri þróun að færa þjónustuna nær fólkinu fellur hann til baka um næstum tvo áratugi.

Ég held að flestir sem til þekkja geti hreinlega túlkað þetta sem skemmdarverk og ráðherra þessi sé stórhætturlegur í þessu ráðuneyti.

Framfarasinnaði, fyrrum bæjarstjórinn á Akureyri er orðinn að afturhaldsömu möppudýri fyrir sunnan sem vill auka miðstýringu og draga úr valddreifingu.

Sorgleg þróun hjá íhaldsstjórninni sem ætlar að færa flest í samfélaginu aftur til þeirra ára þegar FLOKKURINN réð öllu. 

Athugasemdir

[Guðjón Sigþór Jensson, 17.8.2014 kl. 14:42]

Til að losna við Kristján úr bæjarpólitíkinni á Akureyri kusuð þið hann á þing.

Oft hafa einkennilegar sendingar skolað á land eftir kosningar. Krisján minnir einna helst á gamalt fúið kerald sem rekið hefir lengi fyrir straumum hafsins og marga fjöruna sopið. Nú er búið að dubba keraldið upp og gera að ráðherra þó svo keraldið að tarna haldi ekki lengur vatni sökum leka ríkisstjórnarinnar.