Akureyri. Nýr meirihluti - forysta í umhverfismálum.

 

Nýr meirihluti hefur tekið til starfa á Akureyri. Meirihluti Framsóknar, Samfylkingar og L-lista hefur sett fram metnaðarfulla málefnaskrá sem lofar góðu fyrir komandi kjörtímabil.

Sérstaka athygli mína þessi metnaðarfullu áform í umhverfismálum.

Skipulag, umhverfi og samgöngur

— Taka forystu meðal íslenskra sveitarfélaga í umhverfismálum

— Setja okkur mælanleg markmið í umhverfismálum

 

Það eru stór orð og gleðileg að setja sér markmið um að taka forystu í umhverfismálum. Það er skoðun mín að við höfum alla burði til að standa við þessa stefnumörkun á næstu fjórum árum og við eigum okkur mál sem við getum sett í forgang til að  ná þessum markmiðum.

 

Ég hef nokkuð fjallað um virkun á Glerárdal og þau áform að taka meginhluta vatns úr Gleránni og tæma náttúrvættið Glerárgil. Áform að því tagi geta ekki átt heima í sveitarfélagi sem ætlar sér forustu í þessum málaflokki og nú er tækifæri að breyta þessum áformum og falla frá virkjun á dalnum. Allir sem kynnt hafa sér þessi mál vita að sú raforka sem fæst er sáralítil og breytir engu hvað varðar aukaafl fyrir Akureyri. Gleráin er nánast vatnslaus á þeim tíma sem mest þarf á raforku að halda og virkun hennar skilar því ekki þeim árangri sem Fallorka hefur haldið fram. Nánast má kalla þetta gæluverkefni sem ekki á rétt á sér þegar vegnir eru saman meiri eða minni hagsmunir.

 

Nú hefur ný bæjarstjórn tækifæri til að sýna metnað sinn í verki og hætta við þessi áform.

 

Í framhaldi af því gæti farið fram metnaðarfull uppbygging nýs fólkvangs – án virkjunar.

 

Það væri glæsilegt upphaf yfirlýsingar um „ forysta í umhverfismálum“ sem er einn af þeim gleðilegu punktum sem lesa má í samstarfsyfirlýsingu nýja meirihlutans á Akureyri.

 

Jón Ingi Cæsarsson

( Akureyri vikublað 3.7.2014 )