Þegar risaeðlur rumska.

 

Staða Sjálfstæðisflokksins í aðdraganda borgarstjórnarkosninga er alvarlegt áhyggjuefni. Hvernig má það vera að flokkurinn, sem áratugum saman hafði meirihluta atkvæða í höfuðborginni sé kominn niður fyrir fjórðung atkvæða í borginni?

Svo mælir Styrmir Gunnarsson.

Styrmir heldur áfram. 

Verði sú staða, sem birtist í könnunum niðurstaða kosninganna í vor munu þau úrslit hafa áhrif á stöðu flokksins á landsvísu og þeirrar ríkisstjórnar, sem flokkurinn á aðild að.

Og haldi einhver að skýringarinnar sé að leita í framboðslista flokksins í kosningunum í vor er það líka misskilningur. Svona fylgishrun gerist ekki á einum degi.

Bragð er að þá barnið finnur.

Styrmir veltir fyrir sér ástæðum fylgishruns Sjálfstæðisflokksins og kemst að því að það er ekki framboðslistinn heldur eitthvað annað.

Hann áttar sig sennilega ekki á því að fylgishrun flokksins úr 33 % niður 23% á síðustu vikum eða misseri tengist með beinum hætti þeim svikum og afturhaldi sem Flokkurinn hefur undirgengist.

Þeir eru orðnir hluti af afturhaldsvagni Framsóknar og Hádegismóaklíkunnar.

Veit ekki betur en Styrmir Gunnarsson sé hluti af þeirri fornaldardeild Sjálfstæðisflokksins.

Kannski hann ætti að hugleiða..... líttu þér nær, kannski eru ástæðurnar á eigin skrifborði og í eigin stefnuleysi.