Skemmdarverk ríkisstjórnarinnar.

Vinna við landvörslu í sumar minnkar um helming frá því í fyrra, vegna lægri fjárframlaga til Umhverfisstofnunar.

Landverðir starfa í íslenskum þjóðgörðum og á náttúruverndarsvæðum á sumrin. Þeir taka á móti gestum og veita upplýsingar. Þeir veita fræðslu, gæta þess að ákvæði friðlýsingar og náttúruverndarlaga séu virt, hafa eftirlit með umferð og umgengni, og sjá um framkvæmdir eins og að leggja göngustíga og halda tjaldsvæðum við. 

(ruv.is)

http://www.ruv.is/frett/landvarsla-skorin-nidur

_____________________

Landsmenn verða nú vitni að ótrúlegri atlögu núverandi stjórnvalda gegn umhverfinu og umhverfismálum.

Það byrjaði með því að sérstakur umhverfisráðherra var lagður af og málaflokkurinn settur í hendur manns sem hefur ákaflega lítinn skilning á þeim málaflokki.

Síðan hefur gengið á endalausum skemmdarverkum gegn málaflokknum.

Ný náttúrverndarlög slegin af.

Rammáætlun sett í uppnám.

Talað niður til umhverfissérfræðinga.

 

Umræðan um Þjóðarárver er öllum kunnug, Umhverfisstofnun hefur verið skorin niður og nánast öll vinna við friðlönd er lögð af.

Það mætti telja upp mörg mál þar sem svokallaður umhverfisráðherra hefur farið offari og skaðað margra ára vinnu við málaflokkinn.

Nú er ljóst að skera þarf niður í landvörslu sem er ákaflega miklivæg, sérstaklega í ljósi þess að ferðamönnum fjölgar hratt og landverðir eru nauðsynlegur öryggisventill.

En þessi ríkisstjórn hefur ekki skilning á því, frekar en öðru sem að náttúru og umhverfisvernd snýr.

Líklega hefði maður átt að kveikja á perunni í upphafi kjörtímabilsins þegar umræddur, svokallaður umhverfisráðherra var settur í embættið og boðuð niðurlagning sérstaks umhverfisráðherra og væntalega í framhaldinu, niðurlagning umhverfisráðuneytisins.

Vonandi verða þessir menn ekki of lengi við völd, en skaðinn er skeður.