Hvernig á að drepa stjórnmálaflokk ?

„Ég skil varla hvað hann var að gera þarna,“ segir Elías Guðmundsson, framkvæmdastjóri Gló, um ræðu Sigurðar Inga Jóhannssonar landbúnaðarráðherra, sem hélt erindi á morgunverðarfundi Amerísk-íslenska viðskiptaráðsins í síðustu viku. Þar var rætt um lífræna framleiðslu hér á landi og möguleika íslenskra afurða í Bandaríkjunum.

Skemmst er frá því að segja að hann […] bullaði bara eitthvað og sagði sögu af bóndakonu sem hefði boðið fólki í mat og allt hráefnið hefði verið ræktað á staðnum og talaði m.a. mikið um (villta) sveppi sem hún hefði fengið úr garðinum hjá sér og notað í máltíðina. Sögunni og erindinu lauk með þeim orðum að hann efaðist um að slíkur sjálfsþurftarbúskapur gæti fætt þjóðina.“
 

( visir.is. )

http://visir.is/undrandi-a-raedu-um-lifraenan-idnad/article/2013709279941

_________________________

Landbúnarráðherra, umhverfisráðherra, sjávarútvegsráðherra, forsætisráðherra, utanríkisráðherra og nokkrir þingmenn Framsóknarflokksins, t.d. Vigdís Hauksdóttir og Frosti Sigurjónsson hafa verið með þjóðina á námskeiði í hvernig drepa skal stjórnmálaflokk.

Landbúnaðar-umhverfisráðherra hefur átt hvern stórleikinn á fætur öðrum, fer um víðan völl og gengur fram af fólki. ( bullar eins og segir í greininni hér að ofan)

Forsætisráðherra verður ítrekað að aðhlátursefni í útlöndum og orðræða hans löngum stundum óskiljanleg og ruglingsleg.

Utanríkisráðherra og Vigdís eru sérstakur kapítuli sem þarf ekki að ræða sérstaklega.

Frosti mætir reglulega í fjölmiðla og þarf síðan að mæta aftur og leiðrétta og biðjast afsökunar á sjálfum sér.

Allt þetta er sýnikennsla í hvernig drepa skal stjórnmálaflokk, enda hefur hann þegar tapað helmingi þess fylgis sem hann hæst mældist, og er það afrek útaf fyrir sig.

Kannski verður að skoða þetta  í ljósi þess að hann hefur nákvæmlega ekki gert nokkurn skapaðan hlut enn sem komið er þrátt fyrir stór orð þar um.