Stjórnarflokkarnir einangraðir.

Alþýðusamband Íslands, Samtök atvinnulífsins og Viðskiptaráð Íslands „telja öll æskilegt að aðildarviðræðum við ESB verði lokið og að besti fáanlegur samningur um aðild verði borinn upp í þjóðaratkvæðagreiðslu,“ eins og segir í bréfi forsvarsmanna samtakanna til forsætisráðherra. Samtökin vilja samstarf við ríkisstjórnina um úttekt á stöðu.

__________________________

Það eru yfirgnæfandi líkur á að meirihluti þjóðarinnar og hagsmunasamtaka vilji ljúka aðildarviðræðum við ESB og setja samning í þjóðaratkvæði.

Allur Framsóknarflokkurinn og hluti Sjálfstæðisflokksins eru að einangrast í afstöðu sinni að slíta viðræðum enda munu þeir ekki þora að fara með málið fyrir þingið.

Varla meirihluti fyrir því þar.

Utanríkisráðherra fór framúr sér í þessu og uppskar mikla andstöðu við forpokað og ólýðræðislegt viðhorf sitt.

Hann er að vísu dyggilega studdur af Heimsksýn enda er sá félagsskapur útibú frá Framsóknarflokknum. 

Ef stjórnmálamenn á Íslandi haga sér í samræmi við þjóðarvilja þá verður þessum viðræðum lokið og málið fer í þjóðaratkvæði.

Spurningin er hvort frjálslyndari armur Sjálfstæðisflokksins lætur Framsóknarflokkinn komst upp með að misþyrma lýðræðinu, það á eftir að koma í ljós.

Athugasemdir

[Rafn Guðmundsson, 27.9.2013 kl. 11:31]

flott og rétt hjá þér