Stóri misskilningur úr Skagafirði.

Gunnar Bragi Sveinsson, utanríkisráðherra, segir tal um að slíta aðildarviðræðum við Evrópusambandið án aðkomu þingsins byggt á misskilningi. Hann mun þó ekki leggja fram tillögu á þingi um að það verði gert.

Orð Gunnars Braga í síðustu viku vöktu umtal, þess efnis að samkvæmt lögfræðiáliti kæmi fram að þingsályktanir, líkt og aðildarumsóknin byggði á, væru ekki bindandi fyrir stjórnvöld umfram það sem af þingræðisvenjunni leiddi.

eyjan.is.´

 Nú er ég alveg búinn að tapa þræðinum.

Misskilningur segir utanríkisráðherra ?

Hver er misskilningurinn ?

Maðurinn mætti með lögfræðiálit þess efnis að hann væri ekki bundinn af þingályktun þingsins um ESB viðræður.

Er þetta ekki þokkalega skýrt ?

Hver er þá stóri-misskilningur ?

Kannski er það bara ráðherrann sjálfur sem er að misskilja hlutverk sitt og valdheimildir, flest bendir nú  til þess.

Hann hefur greinilega verið tekinn á teppið og hirtur fyrir tiltækið.

Sjálfstæðismenn lentu augljóslega í vandræðum með flumbruganginn þó svo Bjarni formaður hafi dottið í þann pott að taka undir með Gunnari Braga í millitíðinni.

Hann hefur nú dregið í land með það því margir í þingflokknum vilja halda þessum viðræðum áfram og komast að niðurstöðu.

Kannski er ekki einu sinni þingmeirihluti fyrir viðræðuslitum þegar upp er staðið.

 

Athugasemdir

[Guðjón Sigþór Jensson, 29.8.2013 kl. 07:01]

Þórólfur kaupfélagsstjóri á Króknum er landsþekktur fyrir að gera það og framkvæma sem hugur hans stendur til.

Nú vill fyrrum undirmaður hans, núverandi utanríkisráðherra gera slíkt hið sama. En Gunnar Bragi á margt eftir ólært og kemst seint með tærnar þar sem hælar Þórólfs eru. Gunnar virðist ekki átta sig á þrískiptingu ríkisvaldsins, framkvæmdavaldið þarf að virða sjónarmið og ákvarðanir dómstóla og löggjafarvalds. Og þessi maður hefur svarið þingmannaeið að virða stjórnarskrána!