Gott fyrir þá sem aldrei fá vaxtabætur.

Óánægju hefur gætt vegna endurgreiðslu frá Íslandsbanka þar sem vaxtabætur koma til með að skerðast sem endurgreiðslunni nemur, en bankinn endurgreiddi fyrr á árinu 20.000 skilvísum viðskiptavinum sínum 30% vaxta af húsnæðis- og skuldabréfalánum.

_____________________

Fékk sjálfur í fyrsta sinn endurgreiðslu á vöxtum á ævinni.

Maður sér það á þessari umfjöllun að það virðist ekki vera inni í myndinni að til sé fólk sem skuldar en fær ekki vaxtabætur.

Þeir sem aldrei hafa fengið vaxtabætur samkvæmt ríkiskerfinu eru kátir með þetta framtak bankans.

Þetta er hinn frjálsa samkeppni sem Bjarni og félagar kalla eftir en líta nú alvarlegum augum.

 

Óánægja með endurgreiðslur

Athugasemdir

[Garðar (IP-tala skráð) 26.7.2013 kl. 08:26]

Þetta virðist nú bara allt á sömu bókina lagt, allar aðgerðir ríkisins miða að því að verðlauna fólk sem EKKI stendur í skilum með sitt, þessir rugludallar sem standa skil á sínu og hafa sýnt einhverja ráðdeild og fyrirhyggju skulu sko fá að borga fyrir alla.

[Guðmundur Ásgeirsson, 26.7.2013 kl. 17:34]

Garðar. Þú hlýtur að hafa lesið þetta eitthvað vitlaust.

Það voru eingöngu skilvísir viðskiptavinir sem fengu þessa endurgreiðslu. Það var enginn verðlaunaður af bankanum nema hinir skilvísu.

Ríkið var ekki að verðlauna neinn, heldur Íslandsbanki. Ríkið á reyndar smá hlut í honum en afar lítinn.

Það væri hjálplegt að hafa staðreyndir mála réttar, við umfjöllun um þau.