Rústar Sjálfstæðisflokkurinn háskólunum ?

Það er alveg ljóst að sjö háskólar í svona litlu samfélagi er of mikið. Á þessum tímapunkti vil ég ekki nefna ákveðna háskóla í þessum samhengi en ég er þeirrar skoðunar að taka þurfi skref hvað varðar skipulag háskólanna og fjölda þeirra. Þetta er mál sem hefur þurft að bíða of lengi. Það þarf að hagræða og nýta betur fjármuni á sama tíma og háskólamenntun er efld og það er sjálfsagt að skoða alla möguleika. Þetta eru ekki sársaukalausar ákvarðanir en það er þó að aukast skilningur á því að við verðum að fara vel með það takmarkaða fjármagn sem við höfum til skiptanna og öðruvísi munum við ekki ná árangri í þessum málum.

( Illugi Gunnarsson Eyjan.is )

Sjálfstæðisflokkurinn mættur með niðurskurðarhnífinn.

Nýr ráðherra hefur þegar fengið stúdenta gegn sér með undarlegum ákvörðunum í tengslum við LÍN.

Maður óttast sannarlega þá forgangsröðun sem Sjálfstæðisflokkurinn mun velja við þennan niðurskurð, sérstaklega er ástæða til að óttast um þá skóla sem eru í hinum dreifðu byggðum.

Einkaavæðing er þeim að skapi og kannski verður freistandi að einkavæða einhvern af háskólunum.

 

Er ekki líklegt að hugmyndir þess flokks muni t.d. ganga útá að sameina Háskóla Íslands og Háskólann á Akureyri?

Tilfinningin er óneitanlega sú.