Á ekki að koma á óvart.

„Það eru engar tölur komnar á hreint, en það er ljóst að reksturinn er erfiður. Við ætlum að sjá hvernig júlí og ágúst koma út og meta svo stöðuna í framhaldinu,“ segir Geir Kristinn Aðalsteinsson, formaður stjórnar Samtaka sveitarfélaga í Eyjafirði og Þingeyjarsýslum, í samtali við Vikudag um rekstur almenningssamganga á svæðinu.

____________________

Kemur ekki á óvart, hefði reyndar komið manni á óvart ef þetta hefði verið nokkur möguleiki.

Tregða íslendinga við að nýta sér almenningssamgöngur er þekkt vandamál og enn erfiðara er það á lengri leiðum utan þéttbýlis.

Vil ekki spá þessu dauða svona fyrirfram, allt á að fá sinn möguleika en svartsýnn var maður á þennan rekstur frá upphafi.

Vonandi fara ekki mjög margir milljónatugir í þetta frá fjárvana sveitarfélögum á svæðinu.

Fjármunum þeirra væri þá illa varið og væru betur komnir á skynsamlegri stöðum í rekstrinum.

Rekstur strætó þungur nyrðra

Athugasemdir

[Anna Dóra Gunnarsdóttir, 18.7.2013 kl. 20:17]

Ég veit svosem ekki hvenær dags aksturinn fer fram, en ef þessu er gefinn tími og sveigjanleikinn fær aukið pláss, er alveg hægt að kenna fólki að meta þennan flitningsmáta, ekki síst ef fargjöldin eru sanngjarnari en hjá hópferðabílum TREX eða Norðurleið eða hvað þetta heitir allt saman.