Reynt að svindla í útflutningsmálum ?

Jæja...svona fór um sjóferð þá, útflutningi á hvalaafurðum er sennilega sjálfhætt.

Ruv.is segir.

"Evergreen Line skipafélagið ákvað hins vegar að hætta við flutning hvalkjötsins til Asíu. Þess í stað verða gámarnir fluttir aftur til Rotterdam í vörslu Samskipa sem mun þá flytja gámana aftur til Íslands.

Í yfirlýsingu frá Evergreen Line segir að upphaflegu bókunarupplýsingarnar sem fyrirtækið fékk hafi verið þess efnis að um frosinn fisk væri að ræða. Það hefði ekki verið fyrr en eftir brottför frá Rotterdam sem upplýst hefði verið að um hvalaafurðir væri að ræða, það hefði verið með skráningunni „Frozen Edible Produce (Balaenoptera Physalus), hið síðara er latneska heitið á langreyðum. Þessu hafna forsvarsmenn Samskipa og segja alltaf hafa legið fyrir að um hvalkjöt væri að ræða. Tollurinn í Hamborg staðfestir einungis að misræmi hafi verið í fylgiskjölum, í sumum hafi verið talað um frosinn fisk og í öðrum um hvalaafurðir."

Samkvæmt þessu hefur sá sem fyllti út útflutningspappíra ekki vitað betur eða þetta hefur verið vísvitandi rangfærsla ( tilraun til svindls ? )

Ljós má vera að Hvalur hf er nú kominn í gjörgæslu hafnaryfirvalda og skipafélaga í Evrópu og þegar svo er komið má segja að útflutningi á langreyði til Japans sé lokið.

Einnig hefur Greenpeace einbeitt sér að því að upplýsa þessi mál fyrir almenningi í þessum löndum.

Tilgangur veiða við Ísland  er þar með úr sögunni og heilbrigð skynsemi að hætta þeim strax.

Merkilegt við þessa frétt Rúv.

Mogginn.is sem alltaf hefur haft mikinn áhuga á Hval hf og Kristjáni Loftssyni hefur ekki nefnt þetta einu orði enn sem komið er.

Athugasemdir

[Haukur Kristinsson (IP-tala skráð) 11.7.2013 kl. 18:38]

Kristján Loftsson er frekjuhundur sem á helling af seðlum og heldur því að hann geti gert það sem honum sýnist.

Sama viðhorfið og hjá allt of mörgum Framsjöllum, sauðum, sem hafa orðið efnaðir í innherjaviðskiptum og vegna klíkubanda.

 

Sorglegt en satt. Hér á klakanum er skelfilega margt á lágu plani.

[Guðjón Sigþór Jensson, 11.7.2013 kl. 20:45]

Reynist rétt vera að lýsing á vöru í farmskrám sé ekki í samræmi við vöruna, er augljóst um blekkingar að ræða.

Tollayfirvöld hvarvetna í heiminum eru mjög á verði gagnvart slíkum verknaði og heppinn er Kristján að varan sé ekki gerð upptæk.

Spurning hvort hann verði ekki að fá leiguskip til að flytja farminn til Japans til að komast fram hjá fránum augum þýskra og hellenskra tollþjóna?

Um aldamótin síðustu komst upp um misferli með útflutning á hrossum frá Íslandi. Þýskum tollverði þótti athugunarvert að verið væri að flytja sláturhross með flugvélum milli landa! Með blekkingum átti að sniðganga reglur um aðflutningsgjöld.

Hugmyndaflugið kann að leiða menn út á hálar brautir, rétt eins og umdeildar hvalveiðar.