Framsóknarleiðin fær falleinkunn.

Niðurstöður rannsókna sérfræðinga Seðlabanka Íslands sýna að almenn niðurfærsla lána er bæði dýr og óskilvirk aðgerð til að koma til móts við þau heimili sem eiga bæði við greiðslu- og skuldavanda að stríða. Jafnframt sé hætta á því að kostnaður við almenna niðurfærslu skerði svigrúm til að bregðast við vanda umræddra heimila. Þetta kemur fram í umsögn Seðlabankans til Alþingis við tíu þrepa aðgerðaáætlun ríkisstjórnarinnar vegna skuldavanda heimilanna.

______________________

Fyrirhugaðar leiðir stjórnarflokkanna fá falleinkunn í umsögnum. Það kemur að vísu ekkert á óvart, þessu hefur verið haldi fram frá 2009 af flestum.

 Fleiri umsagnir eru vafalaust á leiðinni og ótrúlegt að nokkur þeirra verði mjög á aðra lund.

Nú er að sjá hvort stjórnarflokkarnir berja höfðinu við steininn áfram eða leita annarra leiða sem skynsamlegri eru.

Niðurfærsla lána óskilvirk og dýr

Athugasemdir

[Birgir (IP-tala skráð) 24.6.2013 kl. 09:20]

Hvað hefur Ísland eiginlega gert til að verðskulda syni líkt og þig?

Það er greinilegt að þú vilt allt  til vinna til að auðmýking og hrakfarir nýju stjórnarflokkanna verði sem mestar Svo erfitt áttu með að sætta þig við höfnun þjóðarinnar í síðustu kosningum að það hreinlega ískrar í þér kátínan og þórðargleðin við tilhugsunina um að einhver öfl innan samfélagsins berjist gegn fyrirhugaðri skuldaleiðréttingu nýrrar ríkisstjórnar. Því hærri sem mótmæli peningageirans eru ... því fjær sem heimili landsins færast sanngjarnri leiðréttingu ... því meira fagnar þú !!

Og svo titlarðu þig "jafnaðarmann"?

Svei attan. Mikil er skömm þín, maður. Það eru nefninlega menn eins og þú sem hafa svo gersamlega gengisfellt hugtakið "jafnaðarmennska" hér á Íslandi að það mun tæplegast nokkurn tíman ná sér á strik aftur, en mun um aldur og æfi verða notað sem hnjóðsyrði yfir skammsýn flón sem hugsa um það eitt að "skora prik" á kostnað ímyndaðra andstæðinga ... alveg sama hversu dýrkeyptur sá ímyndaði sigur yrði þjóðinni.

[Elfar Aðalsteinn Ingvarsson (IP-tala skráð) 24.6.2013 kl. 12:32]

Fyndið skammtímaminni hér í gangi hjá Birgi. Hann man greinilega ekki eftir því hvernig blog heimar loguðu á hægri vænginum fyrir fjórum árum með óskum um hrun vinstri stjórnarinnar. Eru það bara hægri menn sem mega óska öllu illu á pólitíska andstæðinga sína?

[Guðmundur Ásgeirsson, 24.6.2013 kl. 13:54]

"Dýr og óskilvirk"? Hvaða útreikningar liggja því til grundvallar?

Það er fyrir löngu búið að reikna út hvaða kostar að borga ekki eitthvað, og niðurstaðan er að það kostar ekkert.

Er það kannski einfaldleikinn í þessu sem er að vefjast fyrir fólki? ???

P.S. Er Seðlabankinn búinn að reikna út hvað það mun kosta að gera ekkert til að leysa skuldavanda heimilanna?