Endurreisn flokksklíkunnar.

Hafin er undirskriftasöfnun á netinu þar sem hvatt er til þess að viðræðunum um inngöngu Íslands í Evrópusambandið verði haldið áfram og þeim lokið en frumkvæðið að henni á Illugi Jökulsson rithöfundur.

_______________________

Það er alvöru möguleiki á að íhaldsstjórn Framsóknar og Sjálfstæðisflokks eftir kosningar.

Báðir þessi flokkar hafa það sem yfirlýsta stefnu að taka sjálfsákvörðunarréttinn af þjóðinni og færa valdið í hendur flokksklíkunnar og hagsmunafla ríka fólksins.

Ef Framsókn og Sjálfstæðisflokkur mynda ríkisstjórn fær þjóðin ekki að ákveða það sjálf hvort samningur um ESB verði tekinn fyrir í þjóðaratkvæði.

Þeir ætla að stöðva viðræður og ákveða framtíð þjóðarinnar í þröngum flokksklíkum sem lúta stjórn hagsmunafla sem hugsa meira um eigin hag en heildarhagsmuni þjóðarinnar.

Eini möguleikinn til að lýðræðið ráði er að koma í veg fyrir að þessir íhalds og hagsmunagæsluflokkar myndi ríkisstjórn. 

Slíkt væri afturhvarf til grárrar fortíðar þegar almenningur réði engu en flokksklíkurnar stjórnuðu, eða í reynd var þeim stjórnað af hagsmunahópum sem hugsuðu meira um eigin hag en heildarinnar.

Kannski er þessi þjóð orðin svo barin og bæld eftir áratuga stjórn þessara flokka að sjálfstæð hugsun nær ekki í gegn eða allt of margir eru ekki að hugsa þá hugsun til enda hverju er fórnað og hvað fæst með að kjósa slíka flokka til valda.

Ég trúi því ekki fyrr en ég tek á því að þjóðin sé tilbúinn að láta taka af sér sjálfsákvörðunarréttinn með að kjósa þessa flokka til valda.

Ef ekki þá er hér slóð á undirskrifarsíða til varnar lýðræðinu.

 http://www.petitions24.com/klarum_daemid

Vilja ljúka viðræðunum við ESB

Athugasemdir

[Ingibjörg Guðrún Magnúsdóttir, 22.4.2013 kl. 22:47]

Hverslags bull er í þér Jón Ingi. Þessir báðir flokkar Sjálfstæðisflokkurinn og Framsókn hafa gefið það frá sér að það verður Þjóðin sjálf sem ræður því hvort áfram verði haldið þessari ESB för eða ekki.

Það er annað en ESB sinnar hafa þorað að gera og mér er spurn af hverju í ósköpunum er hafin undirskriftarsöfnun á þessu máli þegar nærtakast væri að hafa Þjóðaratkvæðagreiðslusem gæfi þá skýra niðurstöðu í hvora áttina skildi farið...