Sjálfstæðisflokkur og Framsóknarflokkur - beintenging.

Fylgi Sjálfstæðisflokksins er áfram á uppleið ef marka má nýja könnun MMR, það mælist nú 27,5% samanborið við 22,9% í síðustu mælingu. Þar með er Sjálfstæðisflokkurinn með mest fylgi allra flokka en næstur á eftir fylgir Framsóknarflokkur með 25,6% fylgi sem er umtalsvert minna en í síðustu mælingu MMR þegar það var 32,7%.

_____________

Enn bítast Framsókn og Sjálfstæðisflokkur um þessi rúmlega 50% kjósenda eins og undanfarna mánuði.

Kjósendur virðast nú vera farnir að sjá í gegnum sýndarveruleikatrix Framsóknar og fylgið að skila sér til baka á Sjálfstæðisflokkinn.

Kæmi ekkert sérlega á óvart að Sjálfstæðisflokkur yrði kringum 30% sem þeim þætti sannarlega óásættanlegt og Framsókn færi niður í tæp 20%.

Ég ætla ekki að spá þeim neðar en ljóst er að eitthvað er að bila í einsmáls-stragedíunni.

Trúverðugleikinn er líka frekar aumlegur þegar nánar er skoðað.

Litlu framboðin eru ekki að ná neinu og hafa verið að dala síðustu tvær vikur. Gæti svo farið að ekkert þeirra næði manni á þing.

Það er merkilegt hvað mörg framboð eru að mælast með nánast nákvæmlega ekki neitt.

Fólk vill styrka flokka með reynslu og öruggan bakgrunn þegar upp er staðið en ekki tilfinningaþrungin einnota framboð sem eiga sér takmarkaða sýn og stefnu nema í fáeinum málum hvert.

Spennandi vika framundan.

Sjálfstæðisflokkur með mest fylgi