Aftur ódýra, þægilega leiðin á toppinn.

„Ég mun styðja þá niðurstöðu sem formaður Sjálfstæðisflokksins kemst að. Hann hefur óskað eftir tíma til að skoða stöðu sína og við eigum að virða það. Mestu skiptir að sjálfstæðisfólk um allt land standi saman í verkefninu sem er framundan.“
____________________

Hanna Birna komst í oddvitastöðu í Reykjavík þegar gamli góði Villi hraktist burtu eftir endalaus vandræði.

Í næstu kosningum á eftir beið Sjálfstæðisflokkurinn í Reykjavík sinn stærsta kosningaósigur.

Nú er komin upp sama staða, formaðurinn-leiðtoginn í vanda og enginn veit hvort hann hrekst úr embætti. Jafn líklegt og ekki.

Og enn er komin upp sama staða, Hanna Birna bíður á hliðarlínunni og býr sig undir að setjast í auðfengið leiðtogasæti eins og um árið í Reykjavík.

Hún hafði tækifæri á landsfundi að bjóða sig fram gegn Bjarna en gerði ekki. Líklega skortur á pólitísku þori jafnvel þó svo fjöldi skoraði á hana.

En þetta er víst þægilega leiðin á toppinn, bíða átekta þangað til hægt er að setjast í sætið, fyrirhafnarlítið.

En hvort þetta er leiðtogalegt skal ósagt látið.

Gaman að fylgjast með stjórnmálunum þessa dagana. 

Formannsskipti engin óskastaða

Athugasemdir

[Anna Sigríður Guðmundsdóttir, 12.4.2013 kl. 14:48]

Þetta er nú meira vanþroska-rugl-bullið! Undarlegt að Samfylkingin hafi átt samleið með svona eineltis-"siðspillingu" alveg fram að opinberun hruns-ránsins?

M.b.kv.

[Jón Ingi Cæsarsson, 12.4.2013 kl. 14:55]

Anna Sigríður ... eigum við ekki að halda okkur við efnið og ræða það sem skrifað er um. Hvað er rangt í þessu ? Annað eru bara vangaveltur um stjórnmál... maður á aldrei að skifa comment í litlu jafnvægi  

[Anna Sigríður Guðmundsdóttir, 12.4.2013 kl. 15:20]

Takk fyrir Jón Ingi :-).  Það væri nú fínt að fá óháðan, réttlátan og raunhæfan mælistiku-ráðgjafa til að meta "commenta-jafnvægið" mitt og annarra :-). Ég tæki því fegins hendi að fá vandaðar, heiðarlegar og samfélagsvænar leiðbeiningar, frá hlutlausum aðilum.

Ég er hreinlega alveg hætt að botna í samtryggingarstefnu allrar stjórnmálaklíkunnar. Það er hreinlega kominn tími til að koma einhverjum sannleika út fyrir elítumúrinn!

Það er frekar erfitt að ræða málefni, þegar fjölmiðlaelítan spilar einungis út innihaldslausum sundrungar-bitbeinum og fölskum skoðanakönnunum. Þeir fá óréttláta gagnrýni á sig, sem ekki hafa leyfi stóru fjölmiðlaelítunnar, til að vinna og hugsa sjálfstætt, og út fyrir ramman.

Hvorki ég né þú breytum þessu brenglaða heilaþvottakerfi, með einhverju karpi um ekkert, heldur þarf hugarfarsbreytingu allra kosningabærra íslendinga, um alla flokka sem eru í framboði, án ritskoðunar-þöggunar-leiðbeininga fjölmiðlaelítunnar bankaspillingar-meðvirku, bæði fyrr og síðar.

M.b.kv.

[ThoR-E, 12.4.2013 kl. 15:20]

Þú ert að setja þetta upp Jón eins og eitthvað persónulegt plott gegn Bjarna. Það tel ég ekki vera stöðuna hér.

Í skoðannakönnunum er flokkurinn að nálgast 15% og það er ekki skrítið að sjálfstæðismenn séu uggandi.

Nema auðvitað að þingmannsefni flokksins séu sáttir við að starfa flestir utan þings fyrir flokkinn næstu fjögur ár, þá auðvitað er þessi staða í góðu lagi.

En ég efast um að sjálfstæðismenn á lista yrðu sáttir við það, þannig að það er vel skiljanlegt að flokksforystan leyti allra lausna á þessari ótrúlegu stöðu. Sjálfstæðisflokkurinn mælist með minna fylgi en eftir hrunið sem er ótrúlegt miðað við að núverandi ríkisstjórnarflokkar séu eins óvinsælir eins og raun ber vitni...

Bjarni nýtur augljóslega ekki trausts meðal kjósanda. Hvað á að gera í þeirri stöðu?

Það er ekki allt samsæri og svik gegn manninum þótt hann hafi gefið það í skyn nánast grátklökkur á RÚV í gær. Með fullri virðingu fyrir Bjarna.

[Sigurður Þorsteinsson, 12.4.2013 kl. 16:46]

Jón Ingi þú hefur rétt fyrir þér varðandi það að Hanna Birna hefur ekki ennþá sýnt það sem í henni býr. Það gerðist ekki í síðustu kosningum í Reykjavík sem var afar slæm útkoma og frá því að Hanna Birna var varaformaður hefur fylgi Sjálfstæðisflokksins farið niður á við. Það sem margir vanmeta í pólitík og fyrirtækjarekstri er reynsla og þroski. Starfa talsvert á hverju ári í Þýskalandi, þar eru áherslurnar allt aðrar og niðurstöðurnar yfirvegaðri og betri. Eftir ákveðinn aldur eru menn ,,aðlaðir" og þá er þeirra hlutverk að rækta eftirkomendurna upp.

[Sigurður Þorsteinsson, 13.4.2013 kl. 06:11]

Ég varð einu sinn bikarmeistari í Litla bikarnum. Það var afskaplega skemmtilegt. Á gullpening og geymi bikarinn enn því keppnin lagðist af eftir sigur okkar. 8 lið skráðu sig í keppnina. Keppnin var haldin í apríl og við áttum að keppa á laugardegi gegn Hveragerði. Þá kom vorhret og þeir komust ekki yfir heiðina, og láðist að tilkynna það enda voru engir gsm símar þá. Næst átum við að keppa við Léttir sem var lið skipað háskólastúdentum og þegar þeir mættu voru þeir aðeins 7, 5 voru í prófi í læknisfræði og leikurinn flautaður af. Síðast kepptum við að mig minnir við Hauka, sem þá bauðst Dani sem var staddur hér yfir helgi, svo þeir létu hann spila. Þeir unnu 8-1, en voru jú með ólöglegt lið og töpuðu fyrir okkur 3-0. Síðan var tekið af okkur fullt af myndum. Einn hafði tekið með sér freyðivín sem við drukkum. Í sturtunni drukkum við svo landa. Bikarinn er á arninum hjá mér inn í stofu, alveg rosalega stór bikar.

Hér í Kópavoginum var prófkjör. Arni Páll var í Blikunum en Katrín Júl ekki. Katrín fékk fylgi þeirra sem venjulega kjósa Samfylkinguna, en Árni Páll fékk fylgi Breiðabliks. Breiðablik er mun stærra en Samfylkingin, samt vann ´Árni Páll með litlum mun. Þannig að einhverjir Blikar sviku lit. Næst keppti Árni Páll við Guðbjart Hannesson sem skrapp víst á spilakvöld og veðjaði á forstjóra Landspítalans. Það var eitrað peð. Áður átti þetta að vera alveg öruggt hjá Guðbjarti en menn klöppuðu honum á öxlina og sögðu, þú verður bara formaður næst. Árni hefur marga styrkleika. Pabbi hans var einhver skemmtilegasti prestur allra tíma og góður vinur pabba míns. Pabbi drakk heldur minna. Svo var Þórólfur bróðir hans þjálfari 2 flokks Breiðabliks, þegar ég var með meistaraflokkinn eðaldrengur. Loks var marsmottan hans Árna hrikalega flott.

Maður þarf ekki alltaf að fara erfiðustu leiðina á toppinn