Hagsmunagæslumenn LÍÚ fara hamförum.

„Þetta er alger skrípaleikur frá upphafi til enda og það er alveg ljóst mál að þeir sem komu fyrir nefndina með skrifleg álit, rökstuddar ábendingar eða gagnrýni fóru fullkomna erindisleysu því það var í engu sem nokkru máli skiptir tekið mark á þeim ábendingum sem frá þeim komu.“

_____________

Það væri skemmtileg tilbreyting ef hagsmunagæslumenn LÍÚ settu aðra plötu en þessa sömu á fóninn. Þá gæti vel verið að einhver tæki eftir því sem þeir eru að segja.

En þetta er alltaf sami málflutningurinn alveg sama hvað sagt er, ekki er sagt og hvenær.

Markmiðið er það eitt að verja hagsmuni hinna fáu gegn hagsmunum fjöldans og þeirra sem vilja að auðlindir séu eign þjóðarinnar.

En svona er þetta víst bara..

„Skrípaleikur frá upphafi til enda“

Athugasemdir

[Joseph (IP-tala skráð) 28.2.2013 kl. 22:09]

Það er nú meiri þvælan sem vellur stöðugt upp úr þér.

Það var beðið um þessi álit en þegar það kemur að því að fara yfir þessi álit þá er ekki tekið neitt mark á þeim. Alveg eins og gerðist með auðlindagjaldsfrumvarpið. Þetta lýsir vinnubrögðum Ólínu Þ og Lilju Rafneyjar. Þær eru með öllu óhæfar í að taka ákvarðanir um þessi mál. Þeim er alveg sama um þjóðarhag og ætla sér HVAÐ SEM ÞAÐ KOSTAR að koma í gegn frumvarpi sem sendir sjávarútveginn okkar langt aftur í tímann og gerir hann óhagkvæman.

Á sama tíma montar Össur sig í útlöndum af íslenska sjávarútvegnum.

http://www.ruv.is/frett/ossur-benti-kerry-a-olaf-ragnar

Ég mun aldrei skilja ykkur samfylkingarmenn, og það gerir heldur enginn. Þess vegna mælist þið með 12-15% fylgi.

[Jóhannes Laxdal Baldvinsson, 28.2.2013 kl. 22:49]

Þú ert nú varla sammála þessum tilraunum Steingríms til að sölsa kvótann undir ríkið?  Það er nú nógu vitlaust að hafa kvótaskömmtunarkerfi þó ekki komi til ríkiskvótaskömmtunarkerfi.  En stjórnmálamenn eru bara að hugsa um völd þess vegna má ekki afnema kvótaskömmtunarkerfið. Í Undralandi eru nefnilega öllum rökum snúið á haus. Í stað þess að hámarka afrakstur veiðanna þá er hér hámarkaður gróði eigendanna. Sama lögmálið gildir svo í vegaframkvæmdum.  Þar er keppst um að fara í framkvæmdir sem eru dýrastar per kílómeter sbr. Vaðlaheiðargöng, í stð þess að sinna eðlilegu viðhaldi og spara þannig þúsundir milljarða.  Og áfram er mokað milljörðum í ónýta sandhöfn í Landeyjarfjöru í staðinn fyrir að viðurkenna vitleysuna og nýta hana bara sem sumarhöfn og þá fyrir alla sem vilja en ekki bara Herjólf. En pólitíkin hans Jóns Inga snýst ekki um þjóðarhag frekar en annarra spunameistara.  Hún snýst um að verja sinn flokk no matter what. Það er pathetiskt hlutverk í þjóðmálaumræðunni.