Bull og vitleysa.

Þetta segir Lilja Mósesdóttir, alþingismaður, á Facebook-síðu sinni í morgun vegna erfiðleika Íbúðalánasjóðs. Skattgreiðendur séu nú látnir leiðrétta halla sjóðsins með útgáfu ríkisskuldabréfs en stjórnvöld ákváðu í gær að leggja honum til 13 milljarða króna til þess að bæta eiginfjárhlutfall hans. Hins vegar er talið að þörf sé á greiðslum úr ríkissjóði til Íbúðalánasjóðs sem nemi a.m.k. 48 milljarða á næstu árum.

__________________

Lilja Mósesdóttir...hagfræðimenntuð virðist oftast komast að annarri niðurstöðu en flestir aðrir. Hún fer í þá ómerkilegu skotgröf að reyna að kenna núverandi stjórnvöldum um vanda sjóðsins.

 Dv í dag.

 http://www.dv.is/frettir/2012/11/28/200-milljarda-gat-ibudalanasjods/

Íbúðalánasjóður glímir við mikinn rekstrarvanda um þessar mundir sem að stórum hluta má rekja til kerfisbreytingu á sjóðnum árið 2004.

"Í stað húsbréfa voru tekin upp íbúðabréf eða svokölluð HFF-bréf. Með þeirri breytingu varð viðskiptavinum Íbúðalánasjóðs heimilt að greiða upp lán sín hjá sjóðnum. Á hinn bóginn er Íbúðalánasjóði óheimilt að greiða upp útgefin HFFbréf sín. Í skýrslu IFS greiningar sem kynnt var í gær kemur fram að vaxta og uppgreiðsluáhætta sé stærsti vandi Íbúðalánasjóðs í dag."

________________

Það er áhyggjuefni þessar einfaldanir sem þingmaðurinn Lilja Mósesdóttir er sífellt að bera á borð fyrir landsmenn og eru oftast tilraunir til að koma höggi á núverandi ríkisstjórn.

Lilja virðist ekki hafa neina langtímayfirsýn yfir orsakasamhengi hlutanna en þó þykir mér líklega að þessi málflutningur eigi að þjóna skammtímahagsmunum Samstöðu sem ríður mögrum hesti í skoðanakönnunum að undanförnu.

Vandinn vegna aðgerðaleysis stjórnvalda

Athugasemdir

[Guðjón Sigþór Jensson, 1.12.2012 kl. 21:03]

Þessi flumbrugangur Lilju er mjög sérkennilegur svo ekki sé dýpra tekið í árina. Eitthvað er bogið við fullyrðingar hennar miðað við menntun hennar. Alla vega kemur ekki allt heim og saman.