Hvar er trygging fyrir því ?

Áform um fjárfestingar á á jörðinni Grímsstöðum á Fjöllum, ef af þeim yrði, eru gríðarlega mikilvæg fyrir Norðausturland og myndu skapa einstakt tækifæri til að byggja upp samfélagið og innviði svæðisins.

________________________

Það liggur nákvæmlega ekkert fyrir um áform á þessu svæði annað en yfirlýsingar án innhalds. Málið er allt ókannað og svör hafa engin fengist.

Málið er svo skammt komið að það á meira að segja eftir að spyrja lykilspurninga.

Fullyrðingar sem þessar eru því ekki studdar neinum rökum enn sem komið er.

Merkilegt hvað íslendingar eru fljótir að stökkva til ef þeir eiga auravon í einhverju, jafnvel tilbúnir að stökkva út í djúpu laugina, ósyntir og ekki með kút og kork.

Öndum með nefinu og bíðum upplýsinga og svara við lykilspurningum.

Áformin á Grímsstöðum skapa einstakt tækifæri

Athugasemdir

[Anna Sigríður Guðmundsdóttir, 28.9.2012 kl. 22:08]

Það er mikilvægt að við myndum okkur öll réttlátar skoðanir út frá okkar innsæi og hjarta.

M.b.kv.

[Sigurður Þorsteinsson, 29.9.2012 kl. 00:26]

Það verður að segjast eins og er að það kemur á óvart að einhver innan Samfylkingarinnar skuli birta opinberlega skoðun sem er andstæð skoðun flokksforystunnar. Hvenær skyldi koma fram einstaklingur innan flokksins sem segðist efast um aðild að ESB.

Annars ber það vott um lýðræðislegan flokk þegar fólk hefur mismunandi áherslur. Þá fyrst verður eitthvað til. Það er fyrst og fremst í alræðisríkjum, eða alræðisflokkum sem allir hafa sömu skoðanir. Það ber vott um kúun og hræðslu. 

Nú þegar Jón Ingi Cæsarsson er kominn á sömu skoðun og Ómar Ragnarsson og Bjarni Benediktsson, fara flokksmenn Samfylkingarinnar fljótt að velta fyrir sér hvort þeir Jón og Ómar séu á leiðinni í Sjálfstæðisflokkinn. 

[Jón Steinar Ragnarsson, 29.9.2012 kl. 04:44]

Nú er eins gott fyrir þig að mæta ekki Halldóri Jóhannsyni í skuggasundi þarna fyrir norðan maður.

[Kolbrún Hilmars, 29.9.2012 kl. 12:53]

Algjörlega sammála þér, Jón Ingi. 

Í þessu Grímsstaða-kínverska máli er svo alveg út í  hött að draga fólk í pólitíska dilka þótt það sýni skynsamlega afstöðu.   Koma annars ekki stuðningsmenn "verkefnisins" í viðkomandi sveitarstjórnum úr öllum stjórnmálaflokkum?