Við viljum endilega halda í skógleysið og eyðimörkina.

Merkilegt með íslendinga. Við höfum búið við skógleysi og eyðimerkurlandslag í aldir. Nú er farinn að vaxa skógur og þá er það einhvernvegin ómögulegt og hægt að hafa ýmislegt á hornum sér.

Nýjasta er að SKÓGARfoss sést ekki fyrir trjám. Af hverju halda menn að fossinn heiti SKÓGARfoss.?

Skógurinn sem er að vaxa upp á Íslandi á eftir að hafa miklar breytingar í för með sér þar sem hann nær sér á strik. Skjólið sem skógarnir veita breyta veðurfari á stórum landsvæðum til batnaðar.

Tré sem vaxa í þéttbýli gefa fallega ásýnd og skjól. Samt er umræðan þannig víða að tré séu af hinu illa og oftar en ekki valda deilum milli nágranna.

 Fólk vill hafa trjálaust í kringum sig til að geta séð sólina út um gluggann þann stutta tíma sem hennar nýtur í einhverjum mæli. Fórna þar með því skjóli sem sami trjágróður veitir í vetrar og hauststormum.  Þetta er líklega skammsýni.

Vill þá meirihluti landsmanna hafa landið áfram skóglaust og bert eins og það varð við rányrkju aldanna ?  Maður spyr sig.

_____________________

Sennilega er þetta íhaldsemi af svipuðum toga og halda gæfa okkar felist í því að Sjálfstæðisflokkurinn sé við völd, jafnvel þó hann hafi skilið eftir sviðna jörð og eyðimörk eins og rányrkja landsins gerði á sínum tíma.

Kannski á eyðimörkin og Sjálfstæðisflokkurinn stórt rými í sálarlífi landans ?

 

Skógur skyggir á Skógafoss