Alþingi .... leikhús fáránleikans.

„Núna í lok þessa þings mun óstarfhæft alþingi að öllum líkindum birtast okkur enn á ný,“ segir þingmaðurinn Guðmundur Steingrímsson. Hann segir áhrifamestu leiðina í valdabaráttunni á Alþingi þá að hertaka pontuna.

http://blog.eyjan.is/gummisteingrims/

Þingmaðurinn Guðmundur Steingrímsson skrifar áhugaverðan pistil um ástandið á Alþingi.

 Það hefur ekki farið framhjá þjóðinni hvaða ástand ríkir á löggjafasamkundunni.

Í stað þess að vinna saman að málum og horfa til framtíðar er stór hópur þingmanna í endalausu innhaldslausu karpi fram og aftur með þann eina tilgang í huga að þjóna hagsmunum flokka sinna og stunda óábyrga poppulismapólitik.

Svona gróft má áætla að 15-20 þingmenn haldi þinginu í gíslingu innhaldslausra upphrópana, ekki er leitað lausna eða horft til hagmuna þjóðarinnar. Það eina sem kemst að er að þvælast fyrir og vera í sviðsljósi fjölmiðla. Sjálfstæðisflokkurinn og Framsóknarflokkurinn eru að ærast í valdaleysi sínu og dagskipun þeirra er að endurheimta völdin til handa hagsmunahópum þeim sem stjórna þar för.

Það er augljóst að Sjálfstæðisþingmenn ætla að taka DAVÍÐ á það...vera á móti í öllum málum og ráðast með ósmekklegum og persónulegum hætti að þingmönnum stjórnarflokkanna.

Framsóknarformaðurinn er framarlega í flokki þessara óábyrgu lýðskrumara en þó eru fleiri þingmenn Framsóknar málefnalegir og vinna heiðarlega en Sjálfstæðisflokksins. Þar eru fyrirmælin ótvíræð, vera á móti öllum málum, skíta út stjórnarþingmenn og ráðherra og drepa málum á dreif með kjaftavaðli í ræðustól Alþingis.

Traust á þinginu er komið niður í 7%, aðeins sænska konungsfjölskyldan mælist neðar með 4%. Það er kannski það viðmið sem þessir 15-20 þingmenn stefna að með óábyrgum og óheiðarlegum hætti.

Þingmönnum væri nær að takast á við vanda þjóðarinnar saman í stað þess að verða sér til skammar daglega með háttarlagi sínu...

mér er eiginlega alveg að verða ofboðið.

Klækjabrögð eða morgunfýla?