Óhæfir þingmenn - sumir verri en aðrir.

„Ég hef sjaldan heyrt aumari málflutning hjá nokkrum forsætisráðherra en hjá Jóhönnu Sigurðardóttur og þykir það leitt fyrir hennar hönd,“ sagði Jón Bjarnason, þingmaður Vinstri grænna, um ummæli forsætisráðherra á Alþingi í dag, um fyrri fiskveiðistjórnunarfrumvörp.

Þjóðin þarf á þvi að halda að þingmenn standi saman og nái samstöðu í mikilvægum málum. Eitt af þeim málum er endurskoðun sjávarútvegsmála.

Fram að þessu hefur Alþingi verið meðvirkt og í kerfinu hefur þrifist spilling og óheiðarleiki.

Nú virðist sem Alþingi sé alsendis óhæft til að ná niðurstöðu í þetta mikilvæga þjóðmál.

 Hagsmunagæsla, óeining og deilur um keisarans skegg virðast enn og aftur ætla að spilla því að niðurstaða náist.

Það eru margir þingmenn sem eru alsendis óhæfir til að sitja á þingi. Því miður virðist sem þessi fyrrum sjávarútvegsráðherra sé einn þeirra, og skefur reyndar botninn að mínu mati.

Í stað þess að vinna af heiðarleika fer hann í að ergja sig og pirra. Enn í fýlu af því hann var tekinn úr jobbinu..enda hefur hann enn ekki áttað sig á að hann réði ekki við verkefnið.

Sennilega var hann sá eini sem ekki sá það...þannig að honum er kannski vorkunn.

„Sjaldan heyrt aumari málflutning“

Athugasemdir

[Óskar Arnórsson, 29.3.2012 kl. 13:17]

Eru ergilegir og pirraðir orðnir óheiðarlegir af því einu? Svakalega er maður orðin óheiðarlegur... Ekki að mér líki þessi Jón Bjarnason eða Jóhanna. Þetta fiskveiðistjórnunarfrumvarp lyftir þeim úr "ruslflokki" og ekkert meira enn það. Það myndi hjálpa til ef maður heyrði í þingmönnunum reiðum og pirruðum. Það meyndu auka trúverðugleika þeirra. Það er alls ekki hægt að treysta fólki sem verður aldrei reitt...eða pirrað.

Sammála um að það eru til bæði óhæfir þingmenn og hæfir. Verst hvað velst mikið af óhæfum þingmönnum á þing...