Klaufagangur leiðtoga L-listans er pínlegur.

RÚV hefur eftir formanni stjórnar AFE, Geir Kristni Aðalsteinssyni, sem jafnframt er forseti bæjarstjórnar á Akureyri, að Þorvaldur Lúðvík hafi sjálfur upplýst stjórnina um sín mál og ekki hafi verið haft samband við embætti sérstaks saksóknara um stöðu Þorvaldar Lúðvíks hjá embættinu.

Geir Aðalsteinsson forseti bæjarstjórnar og formaður stjórnar AÞE hélt því fram í gær að Þorvaldur væri að aðstoða sérstakan saksóknara.

Nú hefur sérstakur staðfest að Þorvaldur hafi stöðu sakbornings, eins og segir í frétt RÚV.

 

Í fréttum RÚV í dag kom fram að Þorvaldur Lúðvík sé með stöðu sakbornings hjá embætti sérstaks saksóknara en eins og greint var frá á mbl.is á sínum tíma var Þorvaldur Lúðvík er einn þeirra sem var yfirheyrður í tengslum við rannsókn embættis sérstaks saksóknara á málum tengdum Glitni í nóvember 2010.

Samkvæmt fréttum hafði oddviti L-listans það frá Þorvaldi sjálfum að hann væri að aðstoða sérstakan og formaður AÞE hafði ekki fyrir því að kanna það mál nánar.

Allir geta verið sammála að þessi ráðning er í besta falli klaufaleg og óheppileg eins og staða mála er. Ekki er það heldur traustvekjandi að formaður stjórnar AÞE hafði ekkert fyrir því að kanna stöðu umsækjandans þó svo mál hans hafi verið fréttaefni á sínum tíma.

Þetta er enn eitt dæmið um ótrúlegan klaufagang L-listans og leiðtoga hans í hinum ýmsu málum.

Akureyri vikublað hefur dálítið verið að fjalla um mál þeim tengd en einhvernvegin er eins og þessi klaufagangur og stjórnsýsluvandræði L-listans séu feimnismál og fram að þessu aðeins um þau talað í hálfum hljóðum hér í bæ.

Fram að þessu hafa þeir flotið á því að reynsluleysi sé að hamla þeim og þeir þurfi sinn tíma. En nú eru bráðum liðin tvö ár og enn er allt við sama heygarðshornið og til viðbótar þessu máli má rifja upp brotthvarf formanns skólanefndar fyrir áramótin, það er af nógu að taka ef menn vilja fara að tala um hlutina upphátt.

Ekki einhugur um ráðninguna

Athugasemdir

[Sóley Björk Stefánsdóttir (IP-tala skráð) 6.1.2012 kl. 16:29]

Hér kemur skýrt fram að Geir Kristinn vissi allt um málefni Þorvaldar því hann hafði áður tekið þátt í ráðningarferli þar sem Þorvaldur var einn umsækjenda. http://visir.is/sotti-adur-um-starf-hja-nordurorku---fekk-ekki-vegna-glaeparannsoknar/article/2012120109363

[Jón Ingi Cæsarsson, 6.1.2012 kl. 16:44]

Var Geir að skrökva í okkur bláeyga bæjarbúa...ef svo er þá er hann í djúpum... hann virðist hafa vitað allt um þetta.

Edward segir í samtali við Vísi að Geir Kristinn Aðalsteinsson, formaður stjórnar AEF, hafi verið ljóst að Þorvaldur hafi verið grunaður maður, enda sat hann í stjórn Norðurorku þegar til stóð að ráða hann í vinnu. Þá var tekin sú ákvörðun að slíkt væri ekki boðlegt vegna stöðu Þorvaldar hjá sérstökum saksóknara.

„Svo verður líka trúnaðarbrestur á mettíma þegar Þorvaldur heldur því fram að hann hafi eingöngu aðstoðað við rannsóknina, en væri ekki grunaður maður," segir Edward og bætir við að réttast væri að nýráðinn framkvæmdastjórinn segði upp vegna trúnaðarbrestsins.

„Svo er alveg klárt mál að Geir Kristinn þarf að íhuga sína stöðu vandlega í ljósi aðstæðna," segir Edward.

Ekki náðist í Geir Kristinn við gerð fréttarinnar.