Hvaða öld er hjá ungum bændum?

12.8.2011 | 12:55

Hvaða öld er hjá ungum bændum?

Samtök ungra bænda hafa sent erindi á 20 fyrirtæki að handahófi sem aðild eiga að Samtökum verslunar og þjónustu og spyrja hvort fyrirtækin áformi að flytja inn landbúnaðarvörur.

Erindið sem aðildarfélög SVÞ fengu sent var svo hljóðandi:
„Samtök ungra bænda harma afstöðu þinna hagsmunasamtaka þ.e. Samtaka verslunar og þjónustu gagnvart innlendri búvöruframleiðslu og hagsmunum bænda.

Þetta eru ungir bændur, hvernig hugsa þá þeir gömlu ?

Það er samkeppni í heiminum í dag. Hagsmunaaðilar geta ekki búðið sér til rými þar sem þeir einir ráða verði og framboði á kostnað neytenda.

Ungir bændur vilja ekki skilja það og telja það skyldu neytenda að þiggja bitana úr lófa þeirra og á þeim kjörum sem þeir og milliliðirnir ákveða.

Þetta erindi sýnir í hnotskurn hversu víðsfjarri bændur eru að skilja nútíma viðskipti og láta sér í léttu rúmi liggja hagsmuni fólksins í landinu svo framarlega að þeir fái að selja sína vöru í friði fyrir samkeppni, hvort sem er í verðum eða gæðum.

Ég veit vel að þeir geta auðveldlega tekið þátt í alvöru samkeppni en uppeldið á ríkisjötunni hefur gert þá lata og sljóa og þannig vilja þeir gjarnan vera áfram.

Íslensk vara stenst fullkomlega samanburði í gæðum við erlenda vöru. Reyndar ekki neitt langbest eins og landbúnaðarráðherra fullyrðir en verðin eru náttúrulega langt frá því að standast samaburð.

Það er réttur neytenda að samkeppni ríki og þeir geti átt val um hagkvæman rekstur heimilsins.