Óábyrgur stjórnmálamaður.

 

"Sigmundur Davíð Gunnlaugsson, formaður Framsóknarflokksins, stendur fastur á fyrri ummælum sínum þess efnis að ræddar hafi verið skattahækkanir á matvælum innan herbúða ríkisstjórnarinnar.

Aðspurður hver heimildarmaður hans sé segist Sigmundur Davíð ekki treysta sér til að gefa það upp."

Þessi ummæli sanna það að SDG er óábyrgur stjórnmálamaður, mætir í fjölmiðla aftur og aftur með allskonar fullyrðingar sem síðan eru alsendis marklausar og innistæðulausar.

Þessar staðreyndir sýna það svart á hvítu hvernig stjórnmálamaður SDG er og auk þess neitar hann að gefa upp heimildarmenn.

Það segir okkur að Gróa á Leiti er meðreiðarsveinn formannsins og bara gott að vita það .... staðfest og kvitt. 

Stendur við fyrri ummæli

Athugasemdir

[Óðinn Þórisson, 10.8.2011 kl. 15:41]

Það var vissulega óábyrgt hjá Sigmundi Davíð á sínum tíma að veita minnihlutastjórnni skjól - hann mun ekki gera það aftur.

Svo er spurning hvað Sigmunur Ernir ætlar að vera með ríkisstjórnina lengi á skilorði.

[Jóhannes Þór (IP-tala skráð) 10.8.2011 kl. 18:17]

Þú ættir nú að fylgjast betur með Jón Ingi. Bæði Steingrímur og Jóhanna eru búin að staðfesta í fjölmiðlum að virðisaukaskattahækkanir hafi verið ræddar og breytingar á virðisaukaskattkerfinu í anda AGS tillagnanna hafi ekki verið slegnar alveg út af borðinu. Þuríður Backman er auk þess búin að segja í fjölmiðlum að það það þurfi að

"endurskoða virðisaukaskattslöggjöfina hjá okkur og taka meira mið af því sem er í nágrannalöndum okkar og Norðurlöndunum og með hliðsjón af þeim atriðum sem Alþjóðagjaldeyrissjóðurinn og fleiri hafa bent okkur á að þurfi að breyta".

Þetta er einfaldlega nákvæmlega það sem Sigmundur Davíð var að benda á.

Svör stjórnarliða eru auk þess öll á þann veg að þetta sé ekki áformað í þessum fjárlögum, en öll passa þau sig á að halda möguleikanum inni í myndinni, þ.e. að virðisaukaskattkerfinu þurfi nú líklega að breyta og þá skv. AGS tillögunum, það hafi verið rætt og sé alveg inni í myndinni í framtíðinni.

Það er vissulega auðveldara fyrir þig að garga um að þeir sem þú ert ekki sammála séu óábyrgir heldur en að horfast í augu við þá staðreynd að einhver í stjórnarliðinu sagði Sigmundi frá því sem hann átti að þegja yfir.