Þjóðremba og öfgar taka völdin hjá NEI - liðum.

 

Rannsóknardeild lögreglunnar rannsakar nú bréf þar sem 20 fyrrverandi ráðherrum er hótað lífláti. Auglýsing þar sem ráðherrarnir hvetja landsmenn til að segja já við Icesave-samningnum birtist í dagblöðunum um helgina.

Þetta er ekki það eina.

Egill Ólafsson leikari og söngvari varð sér til ævarandi minkunnar með birtingu öfgafullra yfirlýsinga í auglýsingu þar sem hann dregur fram staðhæfingar og samlíkingar við barnaþrælkun fyrri alda.

Eitthvað reynir hann að klóra yfir skítinn með mátleysislegum tilraunum til að gera lítið úr þessum öfgum. En sannarlega varð hann sér til skammar...og veit það..

En það fer ekki framhjá nokkrum manni að öfgar og æsingur hafa tekið völdin hjá NEI - liðum.

Skynsamt fólk semur..... -  hinir slást og æpa.

Hótaði fyrrverandi ráðherrum

Athugasemdir

[Ragnar Þór Pétursson (IP-tala skráð) 4.4.2011 kl. 17:39]

Hvernig væri nú að reyna að lyfta þessari umræðu á örlítið hærra plan? Þú hefur sjálfur verið staðinn að því að draga þessa umræðu niður á lægsta mögulega plan. Síðan kom hákarlauaglýsingin og kolanámubörnin. Það er ódrengilegt af þér að hunsa aðra auglýsinguna og fjargast út af hinni.

Skynsamt fólk semur ekki bara. Það getur líka tjáð sig án blekkinga og öfga. Þú virðist eiga erfitt með það.

[Kristján Hilmarsson, 4.4.2011 kl. 17:39]

http://keh.blog.is/blog/keh/entry/1156121/

[Njáll (IP-tala skráð) 4.4.2011 kl. 17:42]

Ekki gastu nú staðist mátið að dæma heilan skóg eftir fölnuðu laufblaði.

Hún var nú heldur betur málefnaleg auglýsingin ykkar með Icesave hákarlinum, hún var alveg laus við öfgar og æsing:
http://gagnauga.is/myndir/frettir/afram_icesave.jpg

Fólk er komið með upp í kok af síbylju fréttaflutningi ESB miðla hér á íslandi, enda vita ESB sinnar að draumur þeirra hverfur alveg út fyrir sjóndeildarhringinn ef fólk samþykkir ekki þessar ósanngjörnu ólögmætu klyfjar. 

Krónan hefur þegar veikst um 3,8% frá áramótum, það þýðir að þessir 35 milljarðar sem þið klifið á sem upphæðin fyrir Icesave er orðin miklu hærri og stefnir á 230 milljarða.

[Óðinn Þórisson, 4.4.2011 kl. 17:42]

Það er enginvegin hægt að verja svona eintakling sem svona gerir og ber að taka þetta mjög alvarlega.
Það ber að varast að fara í sleggjudóma og segja að allir NEI - sinnar séu öfgmann - það er ekki svo

[Jón Ingi Cæsarsson, 4.4.2011 kl. 17:44]

Ragnar minn...ég hef einungis hvatt til að klára þetta mál og hafna öfgum..það mun ég gera áfram þó þér líki það ekki..

Öfgarnar eru að mestu hjá þeim sem berjast gegn þessu máli á rakalausan og blekkjandi hátt.. og á það hefur sannarlega ekki skort.

[Ásthildur Cesil Þórðardóttir, 4.4.2011 kl. 17:46]

Ég gæti alveg trúað því að þetta væri plott hjá einhverjum til að reyna að eyðileggja baráttu Neisinna.  Gæti svínvirkað.  Nema ef þetta spryngi framan í einhvern annann.  Þetta þekkist víða, m.a. í bresku lögreglunni þar sem njósnara var blandað inn í hóp Saving Iceland til að njósna.  En það er heilmikið gott fyrir jásinna sem eru með afar slæman málstað að slá þessu upp.

[Jón Ingi Cæsarsson, 4.4.2011 kl. 17:46]

Vont að sjá tvö mál á sama degi sem fara langt yfir strikið Óðinn... og þetta hefur verið að versna stórlega eftir að skoðanakannananir benda til þess að JÁ verði ofan á í þessu... og ég veit að þetta á enn eftir að versna.

[Jón Ingi Cæsarsson, 4.4.2011 kl. 17:47]

Ásthildur... er Egill Ólafsson kannski dulbúinn JÁ sinni ??? Kannski það bara

[Ragnar Þór Pétursson (IP-tala skráð) 4.4.2011 kl. 17:53]

Jón, þú hefur gert gott betur en það. Í gær skiptir þú þeim sem styðja nei í tvo hópa. Vonda framsóknarmenn og náhirð. Í dag bætirðu við geðsjúkum öfgamönnum. Það er ekkert málefnalegt við slíkt. Þú ert að ala á fordómum gagnvart tilteknum málstað með því að rægja þá sem halda honum á lofti.

Að auki leyfir þú þér að horfa algjörlega framhjá öfgaviðhorfum meðal já-manna en halda á lofti sömu viðbrögðum nei-megin.

Saman verður þetta partur af ómálefnalegum og óskynsamlegum blekkingarleik.

[Jón Ingi Cæsarsson, 4.4.2011 kl. 17:53]

Ragnar...ertu ekki að rugla mér saman við einhvern annan..ég hef ekki dregið þessa umræðu eitt eða neitt ..og síst af öllu á lægsta plan. Ég er ekki málsvari nokkurs manns nema sjálfs mín og það sem ég skrifa hér er mín skoðun og hana hef ég rökstutt án öfga..

[Ragnar Þór Pétursson (IP-tala skráð) 4.4.2011 kl. 18:00]

„Hverjir eru það sem berjast gegn samþykkt Icesavelaganna ?“

„Þeir stjórnmálamenn sem hæst hafa í þeim hópi eru Framsóknarmenn [...] Hófsamari og skynsamari þingmenn í þeim hópi eru á já-línunni.“

„Svo er það liðið hans Davíðs Oddssonar. Það er liðið sem löngum hefur verið uppnefnt náhirðinn“

„Gallinn er að þessu liði tekst að blekkja hópa fólks sem trúa því í alvöru að með því að segja NEI hverfi málið og Ísland vinni sigur.“

„Að segja NEI er ávísun á stöðnun og kyrrstöðu auk gríðarlegrar óvissu. Það er ábyrgðarlaus og óskynsamleg afstaða sem engu skilar til barnanna okkar og barnabarna.

Að segja JÁ kemur þjóðfélaginu á hreyfingu fram veginn... og það er það sem Ísland þarf !!“

Allt er þetta óskaplega ómerkilegt og ómálefnalegt, áróðurstengt og heimskulegt. Ef þú bætir síðan við þessari færslu hér fyrir ofan þá ert þú prýðisdæmi um mann sem sífellt dregur athyglina af málefninu sem til umræðu er.

[Guðrún Sæmundsdóttir, 4.4.2011 kl. 18:26]

Björgólfur Thor, skilaðu Icesave-peningunum!

Breska blaðið Telegraph fjallar í gær um bréf sem skilanefnd Landsbankans hefur sent stjórnendum bankans þar sem útlistað er hvernig 174 milljónir punda (um 32 milljarðar kr.) hafi verið færðar út úr bankanum með ólögmætum hætti sama dag og hann var þjóðnýttur. Fram kemur að meirihluti fjárhæðarinnar hafi farið til fyrirtækja í eigu Björgólfs Thors Björgólfssonar og föður hans Björgólfs Guðmundssonar. Blaðið greinir frá því að Björgólfur Thor, sem sé búsettur í Lundúnum, sé einn af auðugustu mönnum heims. Telegraph segir að eignir hans séu metnar á einn milljarð Bandaríkjadala. Í bréfinu segir að stjórnarmenn bankans hafi átt að gera sér grein fyrir því þann 6. október 2008 að bankinn hefði verið orðin gjaldþrota. Það sé mat skilanefndarinnar að fjármagnsflutningarnir hafi dregið úr verðmæti eigna bankans og misnunað kröfuhöfum. Þar af leiðandi hafi verið um ólögmætan gjörning að ræða. Frétt Telegraph.mbl.is

 Ég segji Nei við Icesave og skora á Björgólf að gera upp sín eigin viðskipti!

[Ásthildur Cesil Þórðardóttir, 4.4.2011 kl. 18:32]

Nei það held ég ekki, enda kemur hann fram undir nafni og kennitölu.  Það gerir þessi aðili ekki hver sem hann er.  Þess vegna er ómögulegt að segja til um hvaðan þessi ósköp koma, hvorki þú né ég getum sagt til um það.  Hér er bara verið að hugsa hvað standi hér að baki Jón minn. 

[Hrólfur Þ Hraundal, 4.4.2011 kl. 20:21]

Af hverju er það þjóðremba og öfgar Jón Ingi að vilja ekki veita ríkisábyrgð vegna skulda sem eru okkur óviðkomandi? 

Það sem hefur gerst getur, gerst aftur, af hverju má Egill Ólafsson ekki mynna á það, og hvaða skít er hann að klóra yfir?   

Ert þú nokkuð að verða þér til skammar Jón Ingi?