Mættir á tjörnina við Kristnes.

 

Það er að koma sumar. Parið sem hefur verið á tjörninni neðan við Kristnes er mætt og þrátt fyrir að ís sé á tjörninni að hluta er alltaf vorlegt að sjá þessi tvö mætt á sinn stað eins og mörg undanfarin ár.

Í gönguferð um friðlandið í óshólmum Eyjafjarðarár var aftur fátt um vorboða, þrjá gæsir flugu yfir en að öðru leiti var þögnin enn ríkjandi. Það styttist í að þarna iði allt af lífi eftir nokkrar vikur.

 

Fuglahúsið í óshólmunum var á sínum stað og allt í góðu lagi þar. Aðeins ein bókfærð heimsókn á þessu ári utan þess að ég kom þar við i dag... þarna kom fólk í febrúar.

Líklega er þetta það fuglaskoðunarhús á Akureyri sem minnst er þekkt. Hin þrjú eru í Naustaborgum, Krossanesborgum og Hrísey.