Forsetinn las þjóðina kolrangt.

 

Ein af röksemdum hr. Ólafs Ragnars Grímssonar var að það væri meirhlutinn óánægður með lausn Icesave samkvæmt skoðanakönnunum.

Það er rétt ef hann er að horfa á ástandið eins og það var fyrir nokkrum vikum eða mánuðum, en mjög líklega kolrangt er horft er til stöðunnar í nú-inu.

Umræðan í þjóðfélaginu, fjölmiðlum, vinnustöðum. formlegum og óformlegum skoðanakönnunum benda til þess að verulegur meirihluti þjóðarinnar vilji ljúka þessu máli núna...með samningum.

Það er tilfinning mín að þjóðaratvæðagreiðslan skili allt að 70% fylgi við þann samning sem Alþingi samþykkti með 44 atkvæðum gegn 16. Það er ekki ósvipuð niðurstaða, hlufallslega, eins og var á þinginu.

Ef svo fer hefur forseti Íslands lesið þjóð sína kolrangt..svo kolrangt að jaðrar við lesblindu. Við að heyra málflutning hans í erlendum fjölmiðlum í morgun þar sem hann tekur undir sjónarmið um vafa á að Ísland eigi ekki að greiða þessa skuld þá verður maður hugsi.

Var ákvörðun hans að senda samninginn í þjóðaratkvæði fyrst og fremst vegna eigin skoðana og skilnings á málinu en ekki endilega vegna þess sem hann hafði fram að færa í rökstuðningi sínum ?

Maður bara spyr sig ??

Þráinn: Þingmenn lesi 11. grein stjórnarskrárinnar

Athugasemdir

[Hjörleifur Harðarson, 23.2.2011 kl. 15:36]

ja ég tel hann hafa séð það rétt að þjóðinn vilji fá að tjá sig um þetta mál ..

Það er mín tilfinning að þessi nýji samningur eigi og verði kolfelldur líkt og sá fyrri ..

guð blessi forsetan og 26 grein

[Páll Þorsteinsson, 23.2.2011 kl. 15:46]

Ég held hann hafi nú bara lesið þjóðina nokkuð vel og tilfinning mín segir að nei verði 58% og já 42%.

[Geir Jónsson (IP-tala skráð) 23.2.2011 kl. 16:06]

FORSETINN TÓK EFNISLEGA EKKI AFSTÖÐU GEGN FRUMVARPINU. Hann vildi eingöngu fá að leyfa þjóðinni að klára þetta mál, sama hvort hún segði nei eða já.

Nýleg skoðanakönnun sýndi að meirihluti vill samþykkja þetta frumvarp en ekki má gleyma því að þrátt fyrir það var líka meirihluti fyrir því að þjóðin hafi síðasta orðið.

[Jón Ingi Cæsarsson, 24.2.2011 kl. 07:24]

Ríflegur meirihluti landsmanna hyggst staðfesta Icesave samninginn í þjóðaratkvæðagreiðslu, samkvæmt netkönnun Pressunnar. Af þeim sem tóku afstöðu ætla tæplega 60 prósent að staðfesta samninginn...

Bíðum eftir Capacent og Fréttablaðinu.

[Vendetta, 24.2.2011 kl. 16:53]

Jón, það ert þú sem lest þjóðina rangt. IceSlave III mun kolfalla í atkvæðagreiðslu og síðan ætti ríkisstjórnin að segja af sér eins og hún leggur sig. Og vindhaninn og tækifærissinninn Þráinn ætti að fara aftur á fjóshauginn (Fréttablaðið), því að hann er vonlaus sem þingmaður.