Höfðuðborg með samgöngumiðstöð og flugvöll.

„Allajafna er við það miðað um höfuðborg að hún sé aðsetur æðsta valds í ríkinu og miðstöð stjórnsýslu. Skyldur höfuðborgarinnar sem sveitarfélags eru því víðtækari en annarra sveita ríkisins þar sem íbúar hennar og leiðtogar þeirra verða í starfsháttum og skipulagi að taka tillit til þjónustuhlutverks borgarinnar við alla landsmenn. Réttindi verður höfuðborgin að hafa á móti, þar á meðal þau að samráð sé haft við stjórnendur hennar um þær ákvarðanir ríkisstjórnarinnar og þings sem snerta mikilvæga hagsmuni borgarbúa, svo sem atvinnufæri, skipulag og yfirbragð," segir m.a. í greinargerðinni. 

Stjórnmálamenn í Reykjavík hafa flestir þá skoðun að innan borgarmarka eða í næsta nágrenni sé algjör óþarfi að hafa flugvöll og samgöngumiðstöð. Þeir vísa þeirri ábyrgð á annað og smærra sveitarfélag suður með sjó og vilja beina landsbyggðarfólki á útnes fjarri þjónustustofnunum borgarinnar.

Ég fagna því að þingmenn Samfylkingarinnar hafi að því frumkvæði að ræða þessi mál og m.a. koma höfuðborginni og þeim sem þar ráða í skilning um víðtæka ábyrgð höfðuborgar í landi sínu.

Fram að þessu hefur sýn stórnmálanna í Samfylkingunni og fleiri flokkum í Reykjavík verið einskorðuð við hagsmuni Reykjavíkur og þeir ekki talið að borgin hefði neinar sérstakar skyldur við landsbyggðarlýðinn.

Vonandi eru augu þeirra að opnast og ég fagna aftur þessu framtaki Marðar og félaga.

 

Skyldur höfuðborgar verði skilgreindar

Athugasemdir

[Óskar Þorkelsson, 1.2.2011 kl. 17:16]

vonandi fær þá borgin framlög í samræmi við skyldurnar svo landsbyggðalýðurinn hætti að mergsjúga borgina

[Jón Ingi Cæsarsson, 1.2.2011 kl. 18:21]

Mest öll verðmætasköpun fer fram á landsbyggðinni. Þar er fiskurinn og iðnaðurinn.

[Óskar Þorkelsson, 1.2.2011 kl. 22:00]

já er þá ekki upplagt að landsbyggðin borgi fyrir hlunnindin ?