Vítavert tómlæti.!

Ólína Þorvarðarsdóttir, alþingismaður, hefur óskað eftir fundi í umhverfisnefnd Alþingis við fyrsta tækifæri til að fjalla um díoxíðmengun frá Sorpbrennslustöðinni Funa í Engidal í Skutulsfirði.

Mengun frá Funa hefur verið vandamál á Ísafirði lengi. Nú hefur komið í ljós að mengunin hefur innhaldið stórhættuleg efni og jafnvel stórhættuleg.

Það má ljóst vera að sveitarstjórn og heilbrigðisyfirvöld á svæðinu hafa sýnt vítavert tómlæti og hafa með framferði sínu jafnvel kallað skaðabótakröfu yfir sveitarfélagið. Eins og kunnugt er hefur MS lokað á mjólk frá býli á svæðinu vegna mengunar.

Tómlæti Íslendinga í umhverfismálum er þekkt vandamál og framsóknarmennskan allsráðandi. Ég sat lengi í umhverfisnefnd Akureyrar og var var við það á eigin beinum að tal mitt um nauðsyn úrbóta í sviðfryksmálum var jafnvel flokkað undir nöldur og hysteríu af sumum.

En það er líklega smámál miðað við það sem hefur verið að gerast á Ísafirði...það er að mínu mati refsivert tómlæti sem þar hefur verið láti viðgangast.

Vonandi förum við að vakna þegar umhverfismál eru annarsvegar.

Vill fund vegna sorpbrennslu

Athugasemdir

[Ágúst J. (IP-tala skráð) 3.1.2011 kl. 16:42]

Satt er það Jón að ekki eru umhverfismálin auðveldari en skipulagsmálin !  víða refsivert tómlæti í gangi !

[Jón Ingi Cæsarsson, 3.1.2011 kl. 18:21]

Ágúst..ég veit ekki hversu vel þú þekkir til...en munurinn á umhverfismálum og skipulagsmálum er að í skipulagsmálunum er öflugt eftirlitskerfi, athugsemdaskylda og auglýsingaskylda samkvæmt lögum sem ekki er til að dreifa í umhverfismálunum.

En tómlætið er til staðar eins og td. hér á Akureyri undir forsjá L-listans hefur verið ákveðið að endurskoða ekki aðalskipulagið fyrir Akureyri fyrr en 2016 þó svo skipulagsstofnun telji ástæðu til enda er það orðið 6 ára og verður orðið 12 ára árið 2016.