Villta vestrið..finnum okkur einhverja til að hengja ?

 

Það er óþefur af niðurstöðu þingmannanefndar um hrunið og ráðherraábyrgð. Gott og vel, meirihluti þessarar vinnu er af hinu góða og áfellisdómur yfir stjórnkerfinu og stjórnmálunum.

En þegar kemur að þeim kafla að draga fyrir landsdóm ráðherra eykst ólyktin um allan helming. Helst sýnist mér að nefndin hafi ákveðið að pikka út þá sem þeir töldu líklegast að þjóðin vildi sjá hanga og ákveðið að þeir skyldu axla alla ábyrgð á hruninu og afleiðingum þess.

Ég átta mig td alls ekki á því af hverju nefndin ákveður að kveða upp þann dóm að Ingibjörg Sólrún eigi að sæta ráðherraábyrgð og dragast fyrir dóm. Skýrslan mikla nefnir hana ekki einu orði og því hefur þessi úrskurður ólöglærðra þingmanna (Atli er víst löglærður ) ásýnd geðþótta og hentistefnu.

Það kemur í ljós á næstunni hvernig þetta mál endar en ég verð að lýsa sárum vonbrigðum mínum með ófagleg og óvönduð vinnubrögð þegar kemur að því að veitast að einstaklingum með þessum hætti því þetta lyktar af hentistefnu og geðþóttaákvörðunum. Mín skoðun er sú að enginn þessara einstaklinga verði ákærður vegna þáttar síns í aðdraganda hrunsins og því miður eru þeir sem stærsta sök bera varðir af því að mál þeirra eru fyrnd.

 

Ekkert gat forðað falli bankanna

Athugasemdir

[Bjorn Jonasson (IP-tala skráð) 12.9.2010 kl. 01:23]

Þú skilur ekki afhverju Ingibjörg er bendluð við þetta?  Ef ég kæmi heim til þín á kosningadegi og kæmi í veg fyrir að þú mættir á kjörstað, væri það mér eða þér að kenna að Samfylkingin tapaði manni á Akureyri ef eitt atkvæði réði úrslitum.   Ef þú segir að það hafi verið þér að kenna, þá skil ég vanda þinn.  Ef það er ekki svarið, þá vorkenni ég þér.