Akureyri fram veginn.

 

Skrifað var í dag  undir rammasamning milli Strokks Energy e.hf. og Akureyrarbæjar um að komið verði á fót koltrefjaverksmiðju á Akureyri. Koltrefjar eru notaðar sem styrkingarefni í iðnframleiðslu og leysa af hólmi ýmis þekkt smíðaefni svo sem ál, timbur og stál, sérstaklega í iðngreinum þar sem léttleiki og styrkur eru höfð að leiðarljósi.

Það hefur tekist hjá bæjaryfirvöldum að halda á málum af skynsemi og festu. Rekstur bæjarins er í jafnvægi þrátt fyrir kreppu og tekist hefur að halda fjármálum í góðum gír.

Meðan kreppan lék ýmsa grátt hefur uppbygging iðnaðar haldið áfram á Akureyri. Fyrsti áfangi aflþynnuverksmiðjunnar er farin að mala gull.

Nú gæti verið framundan enn frekari uppbygging í léttari, vistvænni iðnaði hér og bæjaryfirvöldum og atvinnuþróunarfélaginu hefur tekst afar vel upp.

Að velta fyrir sér nýtingu á gasi úr sorphaugunum er síðan enn einn flötur á þessu máli og það er hluti af þeirri nýju hugsun sem einkennt hefur umhverfismálin á Akureyri síðasta kjörtímabil.

Jarðgerð, úrgangsmálin endurskipulögð frá grunni og enn frekari nýting og endurvinnsla.

Svona á að hugsa og vinna... og vonandi fáum við fólk sem svona hugsar að stjórnartaumum næsta kjörtímabil.

 

Rammasamningur um koltrefjaverksmiðju