Búið að ákveða það - SDG á útleið.

Sig­mund­ur Davíð Gunn­laugs­son sveik fyrst og fremst sjálf­an sig þegar hann upp­lýsti ekki um af­l­and­seign­ir eig­in­konu sinn­ar. Þetta seg­ir Svein­björn Eyj­ólfs­son, sem hyggst bjóða sig fram til for­manns gegn Sig­mundi að óbreyttu. Hann seg­ir mik­inn þrýst­ing á Sig­urði Ingi Jó­hanns­syni um að fara fram.

_________________

Það dylst engum að búið er að ákveða að slá SDG af sem formann Framsóknarflokksins.

Hvort fyrsti kafli í því verði að hann tapi í NA kjördæmi á eftir að koma í ljós.

Ef það gerist þá er annað á beinu brautinni, hann fer ekki í formannsslag eftir að tapa kjördæminu.

Ef honum aftur á móti tekst að hanga á því mun fara fram formannskjör í byrjun október.

Sigurður Ingi er örugglega búinn að ákveða að taka slaginn þó rósamálið hafi náð hæðum hjá honum eftir Akureyrarfundinn.

Þar var forsætisráðherra ekki á mælendaskrá en SDG formaður fékk sviðið með furðulegri ræðu ef marka má fjölmiðla og af því sem út hefur lekið.

Ég held að búið sé að ákveða að SIJ muni taka slaginn við SDG og eins og staðan er, fella hann.

En þetta gæti allt eins gerst ef - þegar SDG tapar í NA kjördæmi nær í tíma.

Það væri meiriháttar óvænt ef ekki verða formannsskipti í Framsókn.

Sveik fyrst og fremst sjálfan sig

Stjórnarflokkarnir búnir á því.

„Ég held að það sé kom­inn tími til að rjúfa þing. Þetta er orðið frek­ar sorg­legt, frek­ar dap­ur­legt. Mæt­ing á nefnd­ar­fundi er ligg­ur við ekki nein. Það er í raun­inni al­veg sturlað að halda þessu áfram með þessu móti,“ sagði Ásta Guðrún Helga­dótt­ir, þingmaður Pírata, á Alþingi í dag í umræðum um störf þings­ins þar sem hún kvartaði yfir verk­efna­leysi þings­ins.

________________

Stjórnarflokkarnir eru sprungnir á limminu.

Hverjir eru að þvælast fyrir þingstörfum ?

Það eru þeir sjálfir, lamaðir í innri ágreiningi og fýlu.

Væri ekki heiðarlegt að viðurkenna að þeir geta ekki meir, búnir á því.

Eins og ég hef sagt áður, takk fyrir og bless.

 

„Sturlað að halda þessu áfram“

Ótrúlegir listar.

Kosið var í fimm efstu sæt­in í hvoru kjör­dæmi vegna fram­boðs Fram­sókn­ar­flokks­ins fyr­ir kom­andi alþing­is­kosn­ing­ar í Reykja­vík, á tvö­földu kjör­dæmaþingi í dag. Eins og mbl.is greindi frá leiðir Karl Garðars­son lista ­flokks­ins í Reykja­vík­ur­kjör­dæmi norður og Lilja Dögg Al­freðsdótt­ir í suður.

__________________

Svona voru allir listar fyrir 30-40 árum

En að sjá svona samsetningu 8 karlar og 2 konur, 1 kona í efstu fimm í báðum Reykjavíkurkjördæmum.

Fátt við þessu að segja annað en flestir eru hissa - steinhissa.

Er virkilega ekkert í lögum flokksins sem bannar þetta ?

Hélt að svona væri óhugsandi 2016

Kannski skiptir þetta bara engu máli þegar Framsókn er annarsvegar.

Hver veit.

Efstu sæti Framsóknar í Reykjavík ljós

Allt í steik ?

Eygló Harðardóttir félags-og húsnæðismálaráðherra og Þorsteinn Sæmundsson þingmaður Framsóknarflokksins sátu hjá við atkvæðagreiðslu á Alþingi í dag er greidd voru atkvæði um annars vegar fjármálastefnu 2017-2021 og fjármálaáætlun sömu ára. Um stjórnarfrumvörp var að ræða.

______________

Áhugaverð staða.

Minnihluti greiddi atkvæði með tillögum ríkisstjórnarinnar um fjármálastefnu og fjármálaáætlun.

Afar fáir tóku þátt og virtist hópur fjarverandi, líklega var formaður Framsóknarflokksins í þeim hópi enda ekki mætt í þingið nema í flugulíki fáeinar mínútur á mánudaginn.

Síðan splundrast meirihlutinn í málinu og ráðherra Framsóknar situr hjá ásamt þingmanni.

Það dylst engum að gríðarlegur pirringur er kominn á báða stjórnarflokkana og þeir í reynd búnir að missa tökin á landsstjórninni.

Allt í steik ?

Já örugglega, þetta er búið spil og viðvera þessarar ríkisstjórnar er nú bara formsatriði.

Framsóknarráðherrar hafa talað um að stjórnarandstaðan ætti ekki að þvælast fyrir.

Allir sjá að þeir sem þvælast fyrir og ráða ekki við neitt eru þeir sjálfir.

Takk fyrir og bless eru líklega orð dagsins.

 

Uppreisn í Framsóknarflokknum.

Gunnar Bragi Sveinsson sjávarútvegs-og landbúnaðarráðherra segir að ríkisstjórnin hafi það í höndum sér að boða til vetrarþings nái hún ekki að koma mikilvægum málum áfram á þeim vikum sem eftir séu fram að boðuðum kosningum hinn 29. október. Hann er ekki sáttur við að forsætisráðherra og fjármálaráðherra hafi ákveðið kjördag með stjórnarandstöðunni í vikunni.

_________________

Það er uppnám í Framsóknarflokknum.

Gunnar Bragi og Vigdís Hauks eru í uppreisnarham ásamt formanni flokksins SDG.

Þetta er nokkuð merkileg staða og fjölmiðlar veita því takmarkaða athygli.

Flokkurinn er í reynd klofinn og þungaviktarmenn, m.a. ráðherrar fara opinberlega í bein átök við varaformann flokksins og forsætisráðherra.

Gunnar Bragi er í reynd málpípa þeirra afla í Framsókn sem kennd eru við Kaupfélag Skagfirðinga og að hann skuli taka þessa afstöðu opinberlega sýnir þeirra hug til kosninga og þeirra atburða sem nú eru að eiga sér stað.

Vigdís virðist vera í einhverjum hefndarhug og notar hvert tækifæri til að gera illt af sér.

Sigmundur Davíð er svo alveg sérstakur kapítuli.

Á meðan reyna ráðherrar að leggja fram frumvörp sem eru greinilega ekkert rædd eða hafa stuðning.

M.a. hefur félagsmálaráðherra boðað frumvarp í fæðingarorlofsmálum sem er nánast samhljóða frumvarpi sem þingmaður Samfylkingarinnar hafur lagt fram.

Í fréttum áðan var reynt að fá nánari upplýsingar um fjármögnun og kostnað við þetta frumvarp en henni tókst að skauta hjá því að svara nokkru til um það, enda líklegt að þessu sé kastað fram nokkuð undirbúningslaust núna og á að taka gildi í lok næsta kjörtímabils.

Margt annað má tína til, en hvað sem öðru líður, það er hver höndin upp á móti annarri í Framsóknarflokknum þessa dagana.

Spennandi tímar framundan þar.

T.d. verður fróðlegt að sjá hvort SDG á einhvern stuðing í NA kjördæmi eftir það sem undan er gengið milli hans og þungaviktarmanna í héraði.

 

Eru Sigmundur og Vigdís vandræðagemlingarnir ?

Svandís Svavars­dótt­ir, þing­flokks­formaður VG, seg­ir að starfið hafi gengið vel á Alþingi í vor eft­ir að Sig­mund­ur Davíð Gunn­laugs­son, formaður Fram­sókn­ar­flokks­ins, steig til hliðar. Sam­starfið við Sig­urð Inga Jó­hanns­son for­sæt­is­ráðherra hafi gengið vel og und­ir það tek­ur Odd­ný Harðardótt­ir, formaður Sam­fylk­ing­ar­inn­ar.

_____________

Það hefur ekki farið framhjá neinum að andinn á þingi breyttist eftir að skipt var um forsætisráðherra og SDG fór í  " frí "

Af hverju er ekki gott að segja en augljóst að SDG og VH hafa oftar en ekki farið offari og kastað fram sprengjum í tíma og ótíma.

Þau hafa bæði verið ákaflega ómálefnaleg og dónaleg langtímum saman.

Slík framkoma er ekki til þess að bæta samskipti eða þoka málum.

En hvað sem öðru líður, það breyttist ótrúlega margt við forsætisráðherraskipti, hvað sem veldur því.

Nú er að sjá hvort Framsókn framlengir SDG, en ljóst að VH hverfur á braut sjálfviljug, sem flýtti bara því óumflýjanlega, hvað hana varðar.

Breyttist þegar Sigmundur Davíð fór

Sólsetur við Gróttu.

Það var fallegt sólsetrið við Gróttu í síðustu viku.

Náði því til varanlegrar geymslu.

Stærri fæst með að klikka á myndina

 

Formenn stjórnarflokkanna tala út og suður.

„Þegar við end­ur­nýj­uðum sam­starf flokk­anna urðu breyt­ingar í rík­is­stjórn­inni og við boð­uðum á sama tíma að við ætl­uðum að ljúka ákveðnum verk­efnum og ganga svo til kosn­inga. Ég sé ekki neitt hafa breyst í þeim efnum og sé í sjálfu sér ekk­ert sem ætti að koma í veg fyrir að við kjósum seint í októ­ber, sem er dag­setn­ing sem nefnd hefur verið oft í þessu sam­band­i,“ sagði Bjarni. Hann segir að það sé mik­il­vægt að ekki sé mik­ill hringl­anda­háttur með kosn­ing­ar, og ákveða verði kjör­dag sem fyrst.

____________

Formenn stjórnarflokkanna og almennir þingmenn tala út og suður.

Sjálfstæðismenn eru að ganga til kosninga í haust, seinnihluta október.

Framsóknarmenn eru ekki að fara að kjósa í haust, nema allt sé komið í himnalag og öllum málum lokið.

Helst ekki reyndar.

Sjálfstæðismenn eru sjálfum sér samkvæmir.

Framsóknarmenn eru það ekki og síðan formaðurinn þeirra " kom heim " hefur bullið og ruglið farið upp úr öllu valdi.

Það var góður friður og umræðan góð meðan formaður Framsóknarflokksins var að " heiman " en það breyttist snarlega þegar hann kom " heim " á ný.

Af virðingu við landsmenn alla væri þá gott að fá kjördag uppgefin hjá stjórnarflokkunum, það er ekkert að vanbúnaði með það ( nema hjá Framsóknarflokknum )

Ríkisstjórn á skilorði.

„Þegar boðaður var sá mögu­leiki að kjósa í haust þá var það háð skil­yrðum. Það var al­ger­lega ljóst. Það þýðir ekki fyr­ir stjórn­ar­and­stöðuna eða aðra að halda ein­hverju öðru fram.“

______________

Tækifærissinninn frá KF Skagfirðinga hefur sína hentisemi þegar kemur að því að túlka mál.

Það var ekki boðaður möguleiki á kosningum í haust GBS.

Ríkisstjórnin fékk rauða spjaldið frá landsmönnum en fékk að sitja áfram um hríð, á skilorði, af því æðsti strumpur var settur út.

Skilorðstíminn er að renna út og það þýðir ekkert fyrir fylgislausa Framsóknarmenn að reyna að framlengja í þeirri snöru.

Það er enginn annar " möguleiki " í stöðunni.

Það má heyra á þeirra helstu ráðamönnum að þeim finnist það bara sjálfsagt að svíkja af því það henti þeim.

En þjóðin er ekki með neina undanþágu á þessa ríkisstjórn, hún skal víkja ekki seinna en í haust.

Fyrrum æðsti mætir til leiks og segist ætla að halda áfram og GBS reynir að bakka upp formanninn sinn.   Svolítið dapurlegt kompaní.

 

Kosningar í haust háðar skilyrðum

Allir ætla að standa við loforð - nema Sigmundur.

Formaður Vinstri hreyf­ing­ar­inn­ar – græns fram­boðs seg­ist ekki hafa trú á öðru en að þing­kosn­ing­ar fari fram í haust eins og stefnt hafi verið að þrátt fyr­ir um­mæli Sig­mund­ar Davíðs Gunn­laugs­son­ar, for­manns Fram­sókn­ar­flokks­ins, um að það sé ekki víst. Sig­mund­ur sagði í bréfi til fram­sókn­ar­manna í gær að for­senda þess væri að rík­is­stjórn­in kláraði ákveðin mál.

mbl.is

Allir ætla að standa við loforð um kosningar í haust - nema formaður Framsóknarflokksins.

Varaformaðurinn ætlar að vísu að gera það en hverju ræður hann þegar formaðurinn talar.

Sannleikurinn hefur verið SDG léttvægur frá því hann hóf þátttöku í stjórnmálum.

Að standa við loforð er líka aukaatriði að hans mati.

Allir æðstu forustumenn Framsóknar hafa lýst yfir blindri hollnustu við Sigmund Davíð, skítt með hvað hann gerði og gerði ekki.

Það verður fróðlegt að fylgjast með því hvor ræður för í Framsóknarflokknum, formaðurinn eða varaformaðurinn.

En hvaða árangri nær svo flokkur sem ekki stendur við kosningaloforðin og bætir því við að standa ekki við loforð sín og kennir samstarfsflokknum um allt sem hentar þeim.

Það kemur í ljós ef SDG ræður sem flest bendir til eins og stendur.

Miðast allt við kosningar í haust