Jónína inn... Lúðvík út.

Það gerðist sem ég var að vona. Þriðji þingmaður Samfylkingarinnar í NA datt inn á lokatölum en út fór Lúðvík Geirsson í Kraganum. Síðast datt þriðjasætiskandidat Samfylkingar út á lokasprettinum fyrir jöfnunarsæti í Reykjavík þegar Ellert Schram velti Láru Stefánsdóttur í þessu jöfnunarralli sem stendur hálfa nóttina.

Nú snérist þetta við og inn kom gríðarlega öflugur þingmaður af Austurlandi Jónína Rós kennari á Egilsstöðum. Ég er mjög ánægður með þessi úrslit því það er lífsnauðsynlegt fyrir Samfylkinguna að styrkja sig á landsbyggðinni. Í þessum kosningum bættust við tveir þingmenn flokksins þar, annarsvegar hér hjá okkur í NA og auk þess á Suðurlandi. Því miður hafðist þetta ekki í NV í þessari lotu.

Lúðvík er gríðarlega sterkur stjórnmálamaður. Eins og gjarnan hefur verið haft að orðtæki okkar flokki. Hans tími mun koma... það er ekki spurning.

Jónína inn í stað Lúðvíks