Hrossagaukur á ferð.

 Í dag sá ég hrossagauk.

Gaukur sá var hinn sprækasti og flaug upp úr vegkanti þegar ég keyrði hjá. Hann fór ekki hátt en hélt sér kyrrum augnablik í við rétt hjá mér og hvarf svo með örskotshraða í skurð þar nærri.

Hvernig hrossagaukur skrimtir á þessum stað í 14 stiga frosti og snjó um hávetur getur aðeins átt sér þá skýringu að þarna nærri er volgur lækur sem rennur í skurðum og við þennan læk er auð jörð og líf í læknum ef að líkum lætur.

Annars var dagurinn fallegur þó frostið biti nokkuð.